Një deputet në detyrë ka skandalizuar politikën gjermane duke hequr dorë nga bashkëshortja prej 16 vitesh dhe tre fëmijët e tij, për një yll të pornos.
Hagen Reinhold, 44 vjeç, një anëtar i FDP-së centriste dhe gruaja e tij Karoline Preisler, 51 vjeç, e cila është anëtare e së njëjtës parti në koalicionin qeverisës, dikur konsideroheshin një çift i fuqisë së Bundestagut.
Por Reinhold, i cili është kryetar i divizionit lindor të partisë së tij, ka tronditur Berlinin duke u ndarë me nënën e fëmijëve të tij e duke publikuar lidhjen me Annina Semmelhaack, e cila interpretonte në filma për të rritur.
43-vjeçarja kohët e fundit ndërroi pornografinë me politikën, duke shpresuar të kandidojë për FDP-në në zgjedhjet lokale vitin e ardhshëm ndërsa romanca me Reinhold lindi gjatë seancave të mentorimit për të promovuar gratë në qeveri.
“Është një dashuri e madhe dhe ne po shkojmë në një të ardhme të lumtur së bashku,” tha ajo.
Ndërkohë partneri i saj, deputeti gjerman tha : “Ne u njohëm në FDP dhe e duam njëri-tjetrin ”.
Por pasi u shfaqën lajmet për lidhjen, ish-gruaja e tij reagoi në rrjetet sociale duke thënë: “Muajt e fundit kanë qenë të hidhur për mua”, shkruan Daily Mail.
