Aktualitet23 Nëntor 2022, 14:45

Deshifrimi i Yuri Kim: Pse SHBA-të janë të shqetësuara për SPAK-un?!

Shkruar nga Pamfleti
Deshifrimi i Yuri Kim: Pse SHBA-të janë të shqetësuara

Duket qartë që Yuri Kim nuk preferon modelin Kraja, i cili, keq apo mirë, ka një vilë në Gjirin e Lalzit, pranë Metës e Berishës. Pra SHBA e kërkon pa vilë, pa kompani tregtare, një prokuror të thjeshtë…

Pak ditë para vendimit të Këshillit të Lartë të Prokurorisë për kreun e ri të SPAK, ambasadorja amerikane Yuri Kim ka lëshuar një deklaratë, e cila nuk duket edhe aq e thjeshtë.

Ambasadorja amerikane ka bërë thirrje që zgjedhja e kreut të ri të SPAK, të bëhet me kritere të qarta, jo vetëm nga letrat, por edhe nga vizioni që kandidatët konkurrues kanë për këtë post të rëndësishëm.

E në mënyrë të qartë ambasadorja Yuri Kim ka kërkuar që drejtuesi i ri i Prokurorisë Speciale, nuk duhet të jetë as një dispeçer dhe as një hetues dosido, por një protagonist i qartë në luftën ndaj pandëshkueshmërisë.

Tani që janë konfirmuar kandidatët për kreun e ardhshëm të Prokurorisë së Posaçme, është thelbësore që procesi të jetë transparent, në mënyrë që drejtuesi i ardhshëm, së pari, të zgjidhet në bazë të kualifikimeve dhe rezultateve të arritura, dhe së dyti të jetë i aftë dhe i vendosur për të intensifikuar luftën kundër korrupsionit dhe krimit të organizuar”, shkruante ambasadorja.

Pra qartësisht SHBA kërkon që kreu i SPAK të ketë rezultate si prokuror në hetime të rëndësishme, kundër njerëzve të fuqishëm.

E ky aspekt natyrisht që është gjë e rrallë për ndonjë prokuror në Shqipëri, qoftë edhe për SPAK. Kjo pasi në këtë organ ka prokurorë që kanë arritur tu vënë prangat njerëzve të rëndësishëm të krimit të organizuar në vend, por janë jashtë treshes së kandidatëve.

Por ambasadorja Kim flet për një drejtues të SPAK që të ketë një historik proaktiv në hetimet e tij, të dosjeve që ka firmosur dhe emrave që ka marrë të pandehur.

Nëse e analizojmë treshen e kandidatëve, Yuri Kim kërkon që në krye të SPAK të emërohet një prokuror që të ketë një historik hetimesh. Por ka më shumë, ambasadorja e SHBA kërkon që Kryeprokurori i SPAK të mos jetë fryt i një kompromisi të pjesës së politikës që është kundër reformës në drejtësi.

Duhet të jetë i pa manipuluar nga ata që kërkojnë të bllokojnë apo ndikojnë drejtësinë, nga ata që preferojnë mënyrat e vjetra dhe për rrjedhojë kundërshtojnë reformën në drejtësi. Taktika të tilla i përkasin një të shkuare që ka dëmtuar shumë. SPAK-u, si dhe reforma në drejtësi, duhet të jetë për të ardhmen e Shqipërisë”, shprehej një ditë më parë ambasadorja.

Duket qartë që Yuri Kim nuk preferon modelin Kraja, i cili, keq apo mirë, ka një vilë në Gjirin e Lalzit- pranë Metës e Berishës. Pra SHBA e kërkon pa vilë, pa kompani tregtare, një prokuror të thjeshtë. E nëse e analizon në këtë kontekst, shihet qartë se SHBA do Altin Dumanin. Edhe pse ndoshta nuk ka shumë besim të plotë për të, sepse ka ndodhur këto vite që besimi i derdhur nuk është kthyer, si në rastin e Dritan Rreshkës. Por gjithsesi, SHBA nuk do një prokuror konvencional, por një hetues proaktiv, natyrisht nga kandidatët e ofruar.

Të tre kandidatët janë trajnuar nga SHBA e nga FBI, por kërkohet më shumë një prokuror terreni sesa zyre. Me letra duket se SHBA preferon Dumanin, por kjo në letra, pasi në realitet ndoshta gjërat edhe ndryshojnë…/ Pamfleti

Kryesore Kim Kraja SPAK

Aktualitet

·

20 Nëntor 2022, 21:1121:11Aktualitet

·

20 Nëntor 2022, 21:1121:11Aktualitet

·

21 Nëntor 2022, 07:1107:11Aktualitet

·

21 Nëntor 2022, 05:1105:11Aktualitet

·

20 Nëntor 2022, 20:1120:11Aktualitet