Kryenegociatori i Kosovës në dialogun me Serbinë, Besnik Bislimi ka reaguar mbi bisedimet e ditës së djeshme për çështjen e targave.
Ai ka deklaruar se Kosova ëhstë shumë konstruktive në dialog, por nuk po ndodh e njëjta gjë me Serbinë.
“Dua të falënderoj Miroslav Lajçak për interesimin dhe përpjekjet e tij të sinqerta drejt një përfundimi të suksesshëm të negociatave për targat dhe energjinë. Konstruktiviteti dhe kreativiteti nga ana jonë është i nevojshëm dhe i dobishëm, por me sa duket jo i mjaftueshëm. Përkundër pritjeve dhe angazhimit para takimit (ex-ante), Serbia sërish nuk ishte konstruktive në takimet e djeshme në Bruksel. Pengimi përmes pjesëmarrjes si strategji parësore po rezulton efikase në parandalimin e progresit”, shkruan Bislimi.
