Kryetari i Bashkisë së Lezhës, Fran Frrokaj është vënë në pranga. Nga të dhënat e para rezulton se arrestimi i tij është bërë për shkak të shpërdorimit të detyrës.
Gjithashtu janë arrestuar edhe 24 zyrtarë të tjerë të kësaj bashkie.
Burime për Pamfleti.com bënë të ditur se, arrestimi i kryebashkiakut Frrokaj është bërë në zyrën e tij pak minuta më parë. Ky arrestim ka ardhur si një hetim i nisur disa kohë më parë nga Prokuroria e Krimeve të Rënda e cila po heton tjetërsimin e disa pronave në zonën turistike të Shëngjinit në Lezhë.
Gjithashtu të njëjta burime bënë të ditur se pas arrestimit të kryebashkiakut Frrokaj priten edhe të tjera arrestime në zyrat e hipotekës dhe të institucioneve të tjera, të cilat dyshohen si të përfshira në tjetërsimin e pronave në zonën bregdetare të Lezhës.