Të tjera detaje dalin në dritë në lidhje me ngjarjen e rëndë në Vlorë, ku një 32-vjeçare u hodh nga pallati bashkë me djalin e saj 1 vjeç, dhe për pasojë humbën jetën. Ngjarja ndodhi në lagjen Pavarësia.
Sipas një banore të pallatit ku ndodhi ngjarja, vajza, Pamela Mërtiri ishte e divorcuar dhe jetonte në Tiranë bashkë me djalin e saj, dhe punonte si farmaciste.
“Ajo jetonte në Tiranë. I ati dhe nëna ishte këtu. Ishte e martuar në Tiranë. Se kishim parë. Ishte e divorucar. Kishte vetëm këtë fëmijë. Ishte hera e parë që e pamë. Ajo ndoshta u hodh këtu për mos t’ju bërë barrë babait. Ishte farmaciste në Tiranë, atje punonte. Babain e ka mjek, është në pension tani. S’dimë asgjë. I njohim vetëm babain.”- tha një e njohura e familjes së Pamela Mërtirit për News 24.
Po ashtu, edhe një banor tjetër i pallatit ku ndodhi ngjarja e rëndë, deklaroi se e kishte parë kur gruaja me fëmijë u hodhën nga kati i 5-të. Ai tha se fëmija vdiq në vend, ndërsa gruaja kishe ende shenja jete. Ajo nuk jetonte në atë pallat.
“Ajo është hedhur nga kati i 5-të nga sheshpushimi, ka ardhur aty thjeshtë për të kryer aktin. Nuk rrinte aty. Ishte bashkë me fëmijë, kur u hodhën dëgjova zhurmën dhe pas që ishin përmbysë. Ajo kishte shenja jete, fëmija jo, ishte çarë në fytyrë. Rri te pallati përballë’, tha banori.
