Kryeministrja e Serbisë, Ana Brnabiç është takuar sot në Beograd me ambasadorët e shteteve të Bashkimit Evropian, me të cilët ka folur për dialogun mes Kosovës dhe Serbisë.
Brnabiç tha se është arritur një dakordsi me ambasadorët që së pari të zbatohen marrëveshjet e arritura në Bruksel, para se të diskutohet për marrëveshje të reja.
Ajo specifikoi se është me rëndësi që fillimisht të implementohet marrëveshja e nënshkruar në vitin 2013 për themelimin e Asociacionit të komunave me shumicë serbe.
“S’mund të ketë marrëveshje të reja kur e para nuk është implementuar ende”, tha ajo në një konferencë me kreun e delegacionit të BE-së në Beograd, Emanuel Giofre.
