Aktualitet 3 Dhjetor 2022, 20:37

Dikur pjesë e Bundesligës Gjermane, ish-futbollisti i Serbisë kapet me 115 kg kokainë

Shkruar nga Pamfleti
Dikur pjesë e Bundesligës Gjermane, ish-futbollisti i Serbisë

Dikur pjesë e Bundesligës Gjermane, ish-futbollisti i Serbisë kapet me 115 kg kokainë

Futbolli serb merr një tjetër goditje për imazhin, pasi një emër shumë i njohur i tij, është arrestuar si trafikant ndërkombëtar kokaine. Dushan Petroviç, ish-lojtari i përfaqësueses serbe, me një të kaluar në Bundesligë, është arrestuar teksa po transportonte 115 kilogramë kokainë.

Ish-futbollisti 48-vjeçar u arrestua në Amsterdam, në një aksion të koordinuar nga Europoli. Ai ishte një nga 8 personat e arrestuar për trafik ndërkombëtar, pasi kishin organizuar kalimin e  substancave narkotike nga Amerika Latine në Roterdam. Që aty kishin kaluar këtë sasi në Arlon të Belgjikës dhe po planifikonin ta kalonin në Gjermani, ku Petkoviç ka luajtur në karrierën e tij me klube të Bundesligës si Volfsburgu dhe Nurembergu.

Petkoviç është aktualisht drejtori sportiv i klubit të OFK Beograd në futbollin serb. Ai është një emër i njohur edhe pse nuk ka luajtur shumë ndeshje me përfaqësuesen e tij. Emri i tij bëri bujë sidomos në vitin 2006, kur u grumbullua në Serbi për të marrë pjesë në Botëror në vend të Mirko Vuçiniç të dëmtuar (asokohe Serbia dhe Mali i Zi përfaqësoheshin të bashkuara). Por ai u tërhoq nga grumbullimi, pasi ftesa i kishte ardhur nga baba i tij, Ilija Petkoviç, i cili ishte trajneri i përfaqësueses dhe kjo u cilësua si një skandal i madh.

Uncategorized Dushan Petroviç ish-lojtari i përfaqësueses serbe