Presidenti kinez Xi Jinping ndodhet në një pozicion të vështirë, ndërsa mijëra kinezë janë bashkuar në protesta kundër masave anti-Covid. Teksa Xi duhet të bëjë një zgjidhje, të godasë protestën ose të tërhiqet dhe të kërkojë ndihmë nga jashtë për vaksinimin masiv të popullsisë, SHBA ka mbështetur fuqishëm njerëzit që protestojnë kundër masave izoluese pa afat të ndërmarra nga qeveria kineze për shkak të Covid-19.
“Njerëzve duhet t’u lejohet… e drejta për t’u mbledhur dhe për të protestuar në mënyrë paqësore ndaj politikave apo ligjeve apo diktateve… me të cilat ata kundërshtojnë”- tha për mediet zëdhënësi i Sigurisë Kombëtare të Shtëpisë së Bardhë, John Kirby.
“Shtëpia e Bardhë mbështet të drejtën e protestës paqësore”- theksoi ai, ndërsa sqaroi se SHBA-ja nuk kishte marrë asnjë kërkesë për vaksina nga Kina, megjithëse ekspertët sugjeruan se presidenti kinez Xi Jinping, mund të ketë nevojë për doza anti-covid nëse vendos të tërhiqet për të qetësuar protestuesit përballë masave për koronavirusin.
Lexo edhe:
