Ish-presidenti i Rusisë Dimitri Medvedev, ka reaguar pas vendimit të Lituanisë për të vazhduar ndalimin e kalimit të mallrave drejt Rusisë.
Medvedev e quajti vendimin e Lituanisë për të kufizuar kalimin e mallrave në Kaliningrad si pjesë e së njëjtës të iniciativë e Perëndimi kundër Rusisë”.
Ai u shpreh se përgjigja e Rusisë mund të jetë jo proporcionale dhe do të ketë pasoja të mëdha për Lituaninë dhe qytetarët e sajë.
“Ekziston gjithashtu opsioni i përdorimit të masave jo-proporcionale, të cilat, natyrisht, do të rezultonin në një përshkallëzim të madh të konfliktit”, tha ai.
Medvedev, shtoi se sanksionet e tyre kundër vendeve Baltike do të jenë aq të ashpra sa do të jenë të afta t’iu ndalojnë dhe oksigjenin.
“Kundërmasat tona ekonomike ndaj vendeve baltike do të jenë më të ashpra, aq sa do të jenë të afta për t’iu ndërprerë atyre oksigjenin”, deklaroi Medvedev.
Por sipas tij, një përshkallëzim si ky do të ishte një zgjedhje e keqe, pasi do të vuajnë qytetarët e zakonshëm lituanez, të cilët nuk janë dakord me sanksionet qe i janë vendosur Rusisë, ndryshe nga politikanët e tyre të cilët po marrin shpërblime nga ana e perëndimit.
“Kjo do të prekte lituanezët e zakonshëm, standardi i jetesës së të cilëve është tashmë i ulët dhe thjesht i varfër nga standardet evropiane. Nëse pyet njerëzit në Vilnius ose Kaunas se çfarë mendojnë për masa të tilla, do të merrni përgjigje të sinqerta, nëse jo veçanërisht diplomatike. Politikanët lituanez po marrin favore, ndërkohë që banorët po përpiqen të mbijetojnë dhe t’ia dalin mbanë në këtë ‘teatër të absurdit’. Dhe po bëhet gjithnjë e më keq për të dy“, përfundoi Medvedev.
Kujtojmë se dy ditë më parë, presidenti lituanez Gitanas Nauseda tha se vendi i tij do të ruajë ndalimin e furnizimit me mallra të Kaliningradit.
