Grupi mafioz “Tigri-Zoto”, në shkelje të kontratës koncesionare, ka ndërtuar një impiant tjetër ilegal me sipërfaqe 20 mijë e 890 m2, vendosur mes dy impianteve ku depozitohen e përpunohen mbetjet urbane, lejuar nga mafia qeveritare që është pjesë e këtij biznesi, ku depozitohen 134 lloje mbetjesh me çlirim gazrash “vrasës” e të ndaluara me ligj, mes tyre afro 1 ton mbetje të materialeve “Covid” çdo ditë; për të cilat, Manastirliu ka dhënë 8 milionë Euro tendera, për t’u groposur 20 km larg qendrave të banuara e në basene 5 m të thellë
Prapa reklamës përrallore “3-D” të landfillit të Sharrës, që Rama-Ahmetaj e Klodian Zoto, prej 10 ditësh kanë filluar ta transmetojnë në “TV-TOP”-in e Vjollca Hoxhës pas denoncimit në SPAK, po fshihet një krim i rëndë mjedisor.
Përvec mbetjeve urbane, në këtë landfill po digjen dhe 134 lloje mbetje të rrezikshme jo radioaktive e radioaktive; të cilat dalin nga mjekësia, industria kimike, hidrakurbure, gomat, fabrikat ushqimore, mbetjet shtazore, furrat etj.
Fakti është ky/ Në datën 2 maj 2019, firma e landfillit Tiranë “Integrated Energy BV SPV”, me pronar kryesor Klodian Zoton, kërkoi nga ministri Blendi Klosi, të shtonte në kontratë dhe grumbullim-djegien e mbetjeve të rrezikshme jo radioaktive.
Madje në shkelje të plotë të kontratës PPP, Klodian Zoto, njoftonte “konfidencialisht” ministrin Klosi, se e kishte ndërtuar impiantin brenda landfillit, me sipërfaqe 20 mijë e 890 m2.
Standartet e BE e detyruan ministrin Klosi, të mos i miratonte lejen, por nuk ia ndali aktivitetin e depozitimit e djegies së 134 lloje mbetjeve të rrezikshme jo-radioaktive e madje edhe radioaktive.
I informuar “shoqërisht” nga babloku, se ky krim ishte zbuluar nga SHISH; në datën 4 janar 2020, pronari Klodian Zoto, nëpërmjet maskës së tij administrator Giuseppe Ciaffaglione, i kërkoi përsëri ministrit Blendi Klosi, lejen e depozitim-djegies së këtyre lloj mbetjesh.
Këtu filloi loja Bablokut, Tigrit e Klodian Zotos, për mos-miratim në letra të ngritjes së impiantit, por lejim faktik të diegies së këtyre mbetjeve, duke i përzier me mbetjet urbane..
Ministri Blendi Klosi, me Vendim Nr. 5, nr. 1111 prot., datë 04.02.2020, ka refuzuar t’i jap Klodian Zotos, lejen për aktivitetin e depozitim-djegies së mbetjeve të rrezikshme jo radioaktive e radioaktive, me këto argmente:
– Ky impiant (krematorium mbetjesh) nuk është dhe nuk do të jetë pjesë e kontratës 30 vjeçare të PPP “Landifilli Sharrë”, me Nr. 6507 prot., datë 31.08.2017.
– Aktiviteti përpunim mbetje urbane i landfillit Sharrë, nuk përmbush kërkesat teknologjike, sipas Kodit të Mbetjeve të Rrezikshme, për depozitimin, ndarjen dhe djegien e tyre.
– Nuk i lejohet të lidh kontrata, me subjekte që nxjerrin mbetje të rrezikshme, mbasi asgjësimi i tyre bëhet me ligj të veçantë e jo në landfille mbetjesh urbane.
– Nuk lejehet, që mbetjet e rrezikshme të digjen për prodhim energjie, mbasi çlirojnë në mjedis, gazra fatalë për shëndetin e njeriut, si COx, NOx, Sox, mbetje karbonike, ndërkohë që hiri i furrës është me pasoja të renda jetike edhe për punonjësit e landfillit.
Mirëpo çfarë po ndodh në realitet?
Megjithëse leja për impiantin e djegies së mbetjeve të rrezikshme nuk është miratuar; rezulton se në landfillin e Sharrës po depozitohen ilegalisht, afro 28-32 ton mbetje të tilla në ditë; të cilat përpunohen bashkë me mbetjet urbane.
Skandal është fakti, se qysh prej datës 4 shkurt 2020, qeveria bën sikur nuk e lejon këtë krim të rëndë mjedisor e shëndetësor vetëm në letra zytare, sa për të qenë në rregull ligjërisht e para kushteve të vendosura nga BE.
Por faktikisht, qeveria vazhdon lejon depozitimin dhe asgjësimin e mbetjeve të rrezikshme në landfillin e Tiranës, ku është hapur “porta” për çdo subjekt e person që çon të tilla mbetje, mjafton të bëjë pagesnë sikur depoziton mbetje urbane.
Ky krim mjedisor, kryhet në shkelje të plotë të kontratës koncesionare e të ligjit për mbetjet e rrezikshme; sepse vetë kryeministri ka lejuar, që brenda landfillit, Klodain Zoto të ndërtojë ilegalisht dhe krematoriumin e djegies së këtyre mbetjeve, për prodhim energjie.
Tashmë, ky impiant ka nisur funksionimin me 2 basene (rezervuar) të mëdhenj e sipërfaqe dopozitimi 20 mijë e 890 m2; ku pranohen ilegalisht 134 lloje mbetje të rrezikshme, të cilat çlirojnë gazra me pasoja të rënda për jetën e njerëzve.
Sipas informacionit që ka “Pamfleti”, këtu depozitohen edhe mbetje spitalore, mbetje mjekësore infektive mes tyre dhe mbetjet e “Covid”; vajrat e përdorur, bateri e goma makinash, hi furrash qymyrore-gëlqerore, mbetje elektronike, bërsi punishtesh agro-ushqimore, llumrat e gropave septike, mbetje shtazore, mbetje të industrive kimike, tekstile etj.
Referuar ekspertëve, rezulton se me këtë impiant, dyshja Rama-Ahmetaj, kanë lejuar “de facto”, ndërtimin dhe aktivitetin e një landfilli të dytë brenda landfillit të madh të mbetjeve urbane; por me objekt djegien e mbetjeje të rrezikshme jo radioaktive e radioaktive. Kaq për sot./Pamfleti
