Shkruar nga Pamfleti
Javën e kaluar një 27-vjeçarje shqiptare e burgosur në Itali u vetëvra në qelinë e saj. Një javë më pas i dashuri i saj ka vendosur të thyej heshtjen, 24-vjeçari Leonardo Di Falvo u shpreh se ishte i shkatërruar nga kjo tragjedi.
Ai u shpreh se shqiptarja nuk ishte e droguar, sipas tij ajo ishte e pastër prej një viti, 24-vjeçari shtoi se ishte i inatosur me komentuesit në rrjetet sociale që gjykojnë Donën pa ditur asgjë për të.
“Nuk ishte vetëvrasje e një të droguare në burg. Donatella, Dona ime, kishte një vit që ishte e pastër. Tani që iku, lexoj dhe dëgjoj komente për helmin. Shumë po bëjnë gjykime pa ditur asgjë për të. Jam i inatosur…”u shpreh ai.
Para se të kryente aktin e rëndë, ajo i la një letër të fundit dashurie Leonardos ku shkruante: “Ti je gjëja më e bukur që më ka ndodhur. Leo, më fal!”.
Ai u shpreh se ishte i zemëruar me sistemin, burgun, familjen dhe miqtë e saj të cilët e braktisën atë.
“Jam i zemëruar me gjithë botën, me sistemin, burgun, gjyqtarët, gardianët, familjen, miqtë e saj. Por unë jam i mërzitur edhe me të, me Donën, sepse ajo duhej të bënte edhe pak durim. Ajo do të dilte së shpejti, unë kisha përgatitur gjithçka për të”, shprehet ai.
24-vjeçari shtoi më tej se të gjithë “e kishin lënë vetëm” Donatelën, dhe se i vetmi që i qëndronte pranë ishte ai.
“E dëgjoja, e qetësoja, i qëndrova pranë, e telefonova, shkova ta vizitoja. Sidomos në periudhën e fundit pasi e kishin rikthyer në qeli sepse kishte ikur nga komuniteti, e kishin braktisur. Të gjithë përveç meje”, nënvizon i riu.
Leonardo gjithashtu tregoi se e ka parë për herë të fundit në mëngjesin e 1 gushtit, ditën e saj të fundit të jetës.
“Sepse atë natën ajo iku përgjithmonë. Me gjestin e saj më bllokoi edhe mua jetën. Koha ka ndalur për mua, minutë pas minutë, orë pas ore, vazhdoj të pyes veten pse. Çfarë i ndodhi asaj? Ka ndodhur diçka që unë nuk e di? Ajo ishte Dona e zakonshme… me ulje-ngritjet e saj. E kisha njohur që kur ishim adoleshentë, të paktën për dhjetë vjet, isha i vetmi që mund ta qetësoja”, shprehet ai.
Sa i përket përshëndetjes së fundit me Donën, ai tha : “Thamë të dua, u puthëm duke u përqafuar. Me t’u larguar, e sigurova se do ta telefonoja dhe do të kthehesha tek ajo javën tjetër, si gjithmonë. Nuk kam munguar kurrë, do të kisha bërë gjithçka për të, gjithçka”.
Në vijim, Leonardo zbuloi se sapo të dilte nga burgu 27-vjeçarja, do të shkonin të jetonin bashkë dhe se ai kishte planifikuar ti gjente një punë asaj për ta nisur jetën nga e para.
“Unë e mora një shtëpi me qëllim për të qenë bashkë, ajo ëndërronte të bëhej estetiste dhe unë i kisha gjetur një punë kur të dilte. Do ta kisha pritur përgjithmonë, pse na e prishi kështu ëndrrën? Ne i premtuam njëri-tjetrit dashuri përgjithmonë, pse shkatërroi gjithçka? Çfarë ndodhi?”, thotë Leonardo i shkatërruar moralisht.
