Shkruar nga Pamfleti
Ambasadori i SHBA në Tiranë, Donald Lu, ka bërë deklarata të forta në intervistën e tij të fundit si kryediplomat amerikan në vendin tonë. Ashtu si herë te tjera, edhe mbrëmjen e kaluar, Donald Lu ka folur me emra mbi botën e krimit, duke drejtuar gishtin drejt Emiljano Shullazit.
Në emisionin “Real Story”, Lu ka përsëritur apelin e tij për moskapjen e “peshqve të mëdhenj”. Lu ka thënë se i akuzuari si kreu i një grupi të strukturuar kriminal, Emiljano Shullazi ka kërcënuar gjykatës dhe prokurorë.
“Jam i skandalizuar që ende nuk është kapur Klement Balilin. Jam i skandalizuar që Lul Berisha lirohet herët nga burgu. Jam i skandalizuar që Shullazi ka kërcënuar gjykatës dhe prokurorë, aq sa prokurorët as nuk shkojnë në gjyq”, është shprehur kryediplomati amerikan, Donald Lu.
