Prokuroria e Krimeve të Rënda, e drejtuar nga gruaja ‘e hekurt’ e drejtësisë, Donika Prela, ka kërkuar dënimin me burg të dy ish-deputetëve socialist, Arben Ndoka dhe Arben Çuko.
Dy ish-deputetët duket se do të ‘fundosen’ keq, pasi nuk mund të fitojnë betejën me Donika Prelën, gruan që ka futur në hullinë e zgjidhjes shumë dosje të nxehta që qëndronin në sirtarët e drejtësisë së kalbur.
Ndërkohë, në fund të seancës maratonë në Gjykatën e Krimeve të Rënda, trupa gjykuese është tërhequr për të marrë një vendim mbi fatin e 34 të arrestuarve në sajë të mega-operacionit “Vol-vo 4”, që u zhvillua gjatë fundjavës në 12 qarqe të vendit. Mësohet se të gjithë të arrestuarit nuk kanë pranuar asnjë nga akuzat që rëndojnë ndaj tyre.