Borusia e Dortmundit ka shfrytëzuar humbjen e Bajernit të Mynihut kundër Augsburgut dhe me fitoren 2-1 kundër Shtutgartit i është afruar kampionëve në fuqi me një pikë. Malen në fillim të pjesës së dytë kaloi në epërsi verdhezinjtë.
Shtutgarti reagoi shpejt dhe barazoi me anë të Masimo, por Dortmundi nuk mundi ta çonte dëm mundësinë e afrimit me bavarezët dhe Rojs shënoi 5 minuta para fundit golin e fitores për skuadrën e Marko Rose.
Bajer Leverkusen është rikthyer në katërshen e parë, pasi ka bërë detyrën kundër Bokum.
Volfsburgu ka shmangur humbjen kundër Arminia Bielefeld, pasi ndeshja u mbyll në barazim 2-2. Vendasit shënuan dy herë pa u bërë një orë lojë, ndërsa më pas “Ujqërit” u kundërpërgjigjen me Veghort dhe Nmeça që shënuan dy herë për një minutë.
Hofenheim i tregoi Lajpcigut se kush është “zot” shtëpie, pasi fitoi pastër 2-0. Samaseku realizoi që në minutën e 12, kurse Dabur më pas shënoi golin e qetësisë.
Borusia Mëshengladbah nuk gaboi kundër Grojther Furth që renditet në vendin e fundit në klasifikim. Ky duel përfundoi me rezultatin e thellë 4-0.
