Vetëm disa ditë para se ylli i hip-hopit Dr. Dre të dërgohej me urgjencë në një spital në Los Anxhelos me një aneurizëm të dyshuar të trurit, gruaja e tij, Nicole, paraqiti dokumentet e divorcit duke e akuzuar atë për ‘vite të tëra abuzimi fizik dhe emocional’.
Manjati i muzikës, 55-vjeçar, emri i vërtetë i të cilit është Andre Young, i mbajti një armë në kokë dhe e goditi atë në fytyrë duke e përplasur bashkëshorten në mur, duke e ngritur atë në ajër nga qafa e saj, pretendoi ajo në gazetat e gjykatës të gjetura nga DailyMail.com.
Nicole, 50 vjeç, e cila po lufton në gjykatë për pjesën e saj të pasurisë së vlerësuar prej 1 miliard dollarësh të Dre, i bëri akuzat e saj tronditëse në përgjigje të deklaratës së burrit të saj që së shpejti pritet të bëhet ‘ish’, javën e kaluar duke thënë se në asnjë moment nuk e ka dhunuar apo kërcënuar fizikisht, gjatë martesës së tyre 24-vjeçare, bashkëshorten e tij, Nicole.
Nicole i quajti deklaratat e Dre si ‘gënjeshtra të pastra’.
“Unë kam shpjeguar me detaje tronditëse dhe të dhimbshme abuzimin që Andre ka kryer ndaj meje gjatë marrëdhënies sonë më shumë se 25 vjeçare. Andre mbajti një armë në kokën time në dy raste: më 8 janar 2000 dhe 20 nëntor 2001.’’- tha ajo.
Nicole pranoi që Dre kishte të drejtë kur ai gjithashtu deklaroi në deklaratën e tij se policia nuk u thirr asnjëherë në shtëpinë e tyre gjatë martesës së tyre.
Por, shtoi ajo “Andre në mënyrë të dukshme harron faktin që policia u thirr afërsisht në shtator 1995, pak para martesës sonë, pasi ai më përplasi drejt një muri dhe më ngriti nga dyshemeja duke më mbajtur nga qafa.”
Menjëherë pas deklaratës së saj të ashpër në Gjykatën Supreme të LA, ekipi ligjor i Nicole u mblodh me avokatët e Dr. Dre dhe rezultati përfundimtar thuhet se ishte se Dre, ende në shtratin e tij në spital në Cedars Sinai në LA, këtë javë nënshkroi një marrëveshje që i paguan Nicole një shumë të madhe prej 2 milion dollarë në mbështetje të përkohshme deri në seancën e tyre të ardhshme gjyqësore në prill.
Që nga ndarja e tyre në Qershor, Dre i kishte paguar Nicole 293,000 dollarë në muaj si mbështetje. Por ajo po i kërkon gjykatës ta detyrojë atë që t’i paguajë asaj gati 2 milion dollarë në muaj, plus 5 milion dollarë të tjerë për tarifat e avokatit.
