Përfundon ndeshja e javës së 25 në Serinë A. Napoli është ndalur nga Sasuolo në shifrat 3-3. Fillimisht, ishin vendasit e Sassuolos që kaluan në avantazh pas një autogoli të Maksimoviç në minutën e 34, që devijoi topin me kokë në mënyrë të pafat në portën e tij.
Reagimi i të kaltërve ishte shumë i shpejtë, pasi 4 minuta më vonë, Zielinski vuri baraspeshën. Në fundin e pjesës së parë, Sasuolo gjeti golin e avantazhit me Domeniko Berrardin nga pika e bardhë e penalltisë.
Në minutën e 72, Napoli barazoi shifrat me golin e Di Lorencos, i cili shfrytëzoi në maksimum një krosim të Insinjess, duke mposhtur portierin vendas për herë të dytë.
Në minutën e 90, Insinje ktheu Napolin në avantazh me golin realizuar nga pika e penalltisë, Kur mendohej se Napoli do të dilte me 3 pikë nga “Mapei Stadium”, Sasuolo barazoi rezultatin me Françesko Kaputon po me 11-metërsh.
Me këtë barazim, Napoli renditet në vendin e 5 me 44 pikë, ndërsa Sasuolo mban vendin e 9 me 36 pikë.
