Të enjten në Prishtinë është organizuar një protestë ku kërkohet drejtësi për 35-vjeçaren Hamie Magashi e cila dyshohet të jetë vrarë nga ish-burri i saj, Sokol Halimi në oborrrin e Qendrës Klinike Universitare të Kosovës (QKUK).
Ndërsa të shtunën është organizuar ceremonia e varrimit për Magashin dhe fëmijën e saj që më 1 dhjetor kishe për të ardhur në jeë sipas planifikimit të operacionit, Sokol Halili që nga 30 nentor ku dyshohet të ketë kryer krimin makabër është zhdukur.
Por Policia teksa dështon ta arrestojë të dyshuarin, ka vendosur këtë ta bëjë ndaj një aktivisteje për të drejtat e grave, Neri Ferizi.
Ferizi akuzohet të ketë hedhur një mjet zjarrëvënës në formë simbolike kah objekti i Qeverisë gjatë protestës, por kjo i ka kushtuar me arrestim dhe mbajtje në paraburgim për 48 orë.
Në të njëjtin ditë një burrë në Prishtinë dyshohet ta ketë sulmua fizikisht gruan.
“I dyshuari është intervistuar dhe me vendim të prokurorit është liruar me prcedurë të rregullt”, thuhet në raportin 24 orësh të Policisë së Kosovës.
Kështu mund të përkufizohet drejtësia kosovare për 24 orë, Sokol Halili i arratisur, një sulmues i një gruaje lirohet me procedurë të rregullt, ndërkaq aktivistja mbetet e burgosur.
Për këtë në opinionin kosovar ka pasur reagime të shumta, duke kërkuar lirimin e menjëhershëm të Ferizit.
Me gjasë aparati shtetëror ka vendosur paqe me dhunuesit dhe një “luftë” me aktivistët
Kryeministri i Kosovës, Albin Kurti, të enjten përmes një postimi në Facebook ka kërkuar dorëheqjen e gjithë zhinxhrit përgjegjës në rastin e Hamide Magashit.
Askush nuk e ka ofruar dorëheqjen, ndërkaq lirimi i dhunuesve të grave vazhdon të kryet me procedurë të rregullt. /Pamfleti
