Në hetim edhe 5 prokurorë e gjyqtarë të Vlorës, që janë pjesë e krimit për shkak të ryshfetit, skeduar nga Drejtoria e Policisë Tiranë, Prokuroria e Tiranës dhe SPAK, të cilat prej 6 muajsh, kanë mundur të mbledhin provat të shumta me metoda speciale hetimi, duke kryer një cikël përgjimesh ambientale në strofullën e çiftit “Gjikoka” dhe brenda zyrave të 16 shefave e vartësve, nga të cilët u hartua dosja false e resortit, ku më ekzemplari është një ish-gjyqtar i Apelit Vlorë, i përjashtuar nga drejtësia për korrupsion e lidhje me krimin, për të cilin janë bërë gati prangat
Siç paralajmëroi “Pamfleti” ditën e premte; po të premten më 15 janar 2020, Policia e Tiranës, pajisur me urdhër arresti nga Prokuroria Tiranë, ka zbarkuar në resortin “Ambla Dhërmi”, për të ekzekutuar bllokimin e këtij biznesi dhe prangosjen e administratores Julinda Gjikoka; por dhe ajo, ashtu si bashkëshorti Helidon Gjikoka, është arratisur e fshehur në Londër.
Akuza mbështetet me prova të konfirmuara nga ekspertiza ligjore, se Julinda Gjikoka (Juli) është bashkëpunëtore aktive me burrin të saj, Helidon Gjikoka, në krimin e paramenduar, për mashtrimin e shtetasit Ilir Koka, me akte noteriale qiraje objekti e falsifikim dokumentesh private, duke i grabitur truall+objekte të resort “Ambla Dhërmi”.
Urdhër arresti, është dhënë pas hetimeve nga Prokuroria-Tiranë, mbështetur në kallëzimin penal të bërë nga Ilir Koka, pronar ligjor i këtij resorti.
Prova faktike dhe krejt dosja e krimit, për shkak të korruptimit prej çiftit “Gjikoka”; u shpërfillën, u fshehën dhe u zhdukën nga pazarxhinjtë e policisë, prokurorisë e gjykatës Vlorë.
Por më në fund, bashkëshortët e paprekshëm, Helidon e Julinda Gjikoka, u prekën nga drejtësia, paçka se procesi vonoi por nuk harroi, duke nxjerrë ditën e djeshme edhe urdhërin, për arrestimin e Julinda Gjikokës; “kokës” që ideoi skemën kriminale për të grabitur këtë pronë.
Sa për kujtesë, provat e krimit të bandës së falsifikatorë-hajdutëve Gjikoka dhe shefave të Bashkisë Himarë, ALUIZNI-t e Hipotekës-Vlorë, u groposën nga horat e padrejtësisë po në Vlorë, por dolën përsëri në dritë; sepse Prokuroria e Tiranës i rihetoi, i faktoi dhe i vlerësoi plotësisht të vërteta.
Në sitë janë dhe gjyqtarët mafiozë të Tiranës, Altin Abdiu e Gramoz Levanaj dhe shefa policie të Vlorës, që ndihmuan për arratisjen e çiftit Helidon e Julinda Gjikoka para se të prangoseshin; ndërsa Prokuroria dhe Drejtoria e Policisë Tiranë, kanë nisur procedurat me “Interpol Tirana” e “Interpol-Londra”.
Sipas informacioneve konfidenciale që “Pamfleti” disponon, rezulton ky fakt: hetimi anti-krim dhe ai i Prokurorisë Tiranë, kanë provuar, se në këtë aferë kriminale, me vetëdije e në pazare me çiftin “Gjikoka”; janë përfshirë edhe 16 drejtues, juristë, ekspertë, topografë, shefa e specialistë të Bashkisë Himarë e ALUIZNI-Kadastra Vlorë”, të cilët janë gati për prangosje.
Këtë e konfirmon, raporti që ka dorëzuar Drejtoria e Policisë Tiranë, si hetim me “Task Force”, bërë nga kjo Drejtori, Prokuroria e Tiranës dhe SPAK.
Lidhur me krimin e grabitjes së “Ambla Dhërmi”; kjo “Taskë Forcë” e përbashkët, ka nisur hetimin e përshpejtuar dhe për 5 prokurorë e gjyqtarë të Vlorës e 1 ish-gjyqtar të Apelit Vlorë.
Ky grup zyrtarësh të pushtetit lokalë dhe drejtësisë, me vetëdije, në bashkëpunim e me qëllim të paramenduar, kanë shpërfillur e fshehur, provat që ka paraqitur shtetasi i dëmtuar (i vjedhur) Ilir Koka; duke favorizuar bashkëshortët falsifikatorë e hajdutë, Helidon e Julinda Gjikoka.
Më saktë, ata e kanë përfituar dhe e kanë bërë pronësi të tyre resortin “Ambla Dhërmi”, me ndihmën e një ish-gjyqtari të Apelit Vlorë; i përjashtuar nga drejtësia si i korruptuar e për lidhje kriminale; por i punësuar nga çifti “Gjikoka” si sekser drejtësie, për t’i shpëtuar nga burgu.
Nuk është më sekret, fakti se përgjimet e vëzhgimet ambientale, kanë “kapur mat” shefa policie, bashkie të Himarës e ALUIZNI-Kadastra Vlorë; dhe 5 prokurorë e gjyqtarë të po këtij rrethi; ndër ta, ekzemplar është ish-gjyqtari bletë-rritës i Apelit Vlorë, për të cilin janë bërë gati prangat.
Së për rikujtesë të “Interpol Tirana”, çfiti Helidon e Julinda Gjikoka, që kërkohen me urdhër arresti ndërkombëtar për llogari të drejtësisë shqiptare; janë fshehur në Londër, në këtë adresë: – “86 Wayford St London SW 112TS England”.
Por edhe nëse dy të falsifikatorët e kërkuar nga drejtësia, janë larguar nga kjo “strofull”, do japin “sqarime” pronarët që i kanë pritur e strehuar në Londër; ndërsa në Shqipëri, u është shpartalluar banda që i mbronte./Pamfleti
