Sali Berisha ka publikuar një denoncim në adresë të Ministrisë së Brendshme, që akuzon institucionin për përvetësimin e 2.7 milionë eurove nga kompania Frontex.
Në rolin e opozitarit, pas akuzave ndaj qeverisë, “Non grata” ka nisur sulmet edhe ndaj radhëve të policisë së shtetit. Përmes një postimi në rrjetet sociale, ai shkruan se drejtori i Departamentit të Kufirit dhe Migracionit, Eduart Merkaj ka kryer shkelje në punën e tij.
Madje denoncuesi, i cili punon si specialist në të njëjtin departament, shkruan se hetimi i nisur ndaj Merkaj është mbyllur me urdhër të Bledi Çuçit.
“Ministri i familjes Çuçi mbyll vjedhjen sepse u vodh bashkarisht!
Lexoni denoncimin e oficerit dixhital: Pershendetje i nderuar Doktor Berisha jam nje specialist i Departamentit te kufirit dhe migracionit. Doktor ka abuzime te tmerrshme ne policine e shtetit me vjedhjet qe ju behet eurove te dhena nga Fronteks…..
Drejtori Eduart Merkaj i ka bere si ka dash 2.7 miljon euro qe jane dhene per policine kufitare shqiptare. Ka bere hetim dhe SHKB dhe auditi i ministrise dhe shkeljet jane evidentuar por jane te gjithe te perfshire per ta mbyllur si afere me porosi te Ministrit. Ju lutem anonim…dokument per keto qe them jane ne Drejt e Pergj, te Policise, SH.K.B etj dhe vazhdon vjedhja….”- shkruan Berisha.
Lexo edhe:
Vettingu në Polici, Eduart Merkaj i “mbijeton” filtrit të pasurisë dhe konfirmohet në detyrë
