Pas humbjes në derbi, Interi lë sërish pikë. Zikaltërit ishin të impenjuar në transfertën ndaj Napolit që vlen shumë në garën për titull, me duelin që u mbyll në barazim 1-1.
Ajo çka u vu re ishte forma e miqve, ku ekipi i Inzagit nuk tregoi shkëlqimin e përhershëm të këtij sezoni, e ndoshta dhe lodhja fizike duket se ka ndikuar shumë.
Gjithsesi, në pjesën e parë ishte një Napoli superior në fushë dhe në minutën e 7, pas një ndërhyrje aspak të zgjuar të De Vrij ndaj Osimhen, Insinje kaloi në avantazh vendasit.
Napoli vijoi të sulmonte në pjesën e parë, teksa Interi ishte në vështirësi, por në fraksionin e dytë, me të rinisur ndeshja, Xheko me eksperiencë vendosi barazpeshën në minutën e 47.
Sfida u bë interesante me zikaltërit që shtuan presionin e në fund gjithsesi nuk pati gola të tjerë, duke mbyllur në një barazim 1-1 duelin e kryesuesve. Ky rezultat i shkon për shtat Milanit që me një fitore ndaj Sampdorias do të marrë kryesimin i vetëm.