Dokument/ Nuk është rastësi, që gjithë fshehjet dhe tjetërsimet e kapitaleve me njëri-tjetrin çdo 3 e 6 muaj, i kanë bërë te notere Natasha Xhaçka, mamaja e ministres së Jashtme, ndërsa Amant Josifi është djali i Krye-komisioneres së Administratës Publike, Pranvera Strakosha, i lidhur edhe në ortakëri me Olsi Ramën. Prandaj policia shqiptare e SPAK, nuk i përfshinë në aksionin ndërkombëtar “Stuhia”, nga frika e “stuhisë” hakmarrëse të Edi Ramës
Operacioni ndërkombëtar “Stuhia” i Eurojust, Europol dhe Spanjës, kryer në bashkëpunim me Policinë Shqiptare e SPAK, ndaj aktivitetit kriminal nëpërmjet qendrave Call Center, prangosi edhe shtetasit Erindi Pysqyli e Berlando Saraçaj.
Këta dy, janë vlerësuar si “koka” e aktivitetit kriminal dhe do ekstradohen në Spanjës, për t’u gjykuar atje për veprat penale të vjedhjes së pasurisë shtetasve të huaj, nëpërmjet mashtrimit on-line me kriptomonedha.
Por dokumentet tatimore, vërtetojnë se “koka” e aktivitetit kriminal të mashtrimit me Call Center në Shqipëri, është mafiozi Amant Josifi, ndërsa të prangosurit Erindi Pysqyli e Berlando Saraçaj që do ekstradohen në Spanjë, janë ortakët dhe “çerrat” e tij, të përdorur si “bedelë”.
Pra, u arrestuan ortakët “çirakë”, por nuk u hetua bosi Amant Josifi, duke bindur shqiptarët, se ai nuk preket as nga drejtësia e re, ngaqë ka qenë e vazhdon të jetë këshilltar i ministres Olta Xhaçka, qysh kur kjo ishte ministre e Punës dhe ministre e Mbrojtjes.
Përveç kësaj lidhjeje, Aman Josfi ka dhe lidhjen tjetër me pushtetin, si djali i Krye-komisioneres së Administratës Publike, Pranvera Strakosha (Josifi), njëherazi në grupin kriminal të trafikut të fëmijëve me mamanë e Olta Xhaçkës.
Por fuqia me madhe, qëndron në faktin se Amant Josifi është në ortakëri me Olsi Ramën te Call Center, te kompania “Pegasus Communications”, e disa biznese të tjerë.
Prandaj nuk do shumë mendje të kuptohet, se policia shqiptare dhe SPAK nuk e përfshiu Amant Josifin e grupit mafioz Call Center në aksionin ndërkombëtar “Stuhia”, nga frika e “stuhisë” hakmarrëse të Edi Ramës, megjithëse kompanitë që kanë mashtruar janë biznese të tij.
Sipas dokumenteve tatimore, dy të prangosurit Erindi Pysqyli e Berlando Saraçaj që do ekstradohen në Spanjë, janë ortakë me Amant Josifin në kompanitë Call Cener “ORITECH”, “APA-LIAISON”, “Europe Service Group” e “Ever PLUS”, por Amant Josifi i Olta Xhaçkës e Olsi Ramës as nuk u hetua, madje po vazhdon biznesin mashtrues me Call Center.
Për të fshehur gjurmët, Josifi dhe dy të prangosurit, kanë shitur e blerë aksionet e kompanive me njeri-tjetrin në çdo 3 e 6 muaj, ku jo rastësisht, noterja që ka kryer veprimet tjetërsuese me letra false, është Natasha Xhaçka, mamaja e ministreshës Olta Xhaçka.
Mbase Policia dhe SPAK e hetojnë Amant Josifin e Olsi Ramën, në aksionin tjetër që do bëjnë me drejtësinë Gjermane, Holandeze e Italiane./Pamfleti
