Politike19 Maj 2022, 15:20

E kritikoi ashpër, Rama kthen "pllakën", elozhe SPAK-ut për megaoperacionin që vuri në pranga “bosët e krimit”

Shkruar nga Pamfleti
E kritikoi ashpër, Rama kthen "pllakën", elozhe SPAK-ut

E kritikoi ashpër, Rama kthen pllakën, elozhe SPAK-ut për megaoperacionin që vuri në pranga “bosët e krimit”

Kreu i qeverisë Edi Rama ka ndryshuar qëndrim 180° sa i përket punës së Prokurorisë së Posaçme kundër Korrupsionit dhe Krimit të Organizuar.

Përmes një mesazhi në Twitter, në ndryshim nga lumi i kritikave vëshuan pak ditë më parë nga shumica socialiste, Rama ka mbështetur fuqishëm megaoperacionin që vuri në pranga “bosët e krimit”, të shpallur në kërkim për trafiqe, vrasje, grabitje dhe vepra të rënda kriminale.

“Operacioni i sotëm i SPAKUT dhe Policisë së Shtetit është shembulli më kuptimplotë i fuqizimit të organeve ligjzbatuese dhe vendosmërisë së madhe për ta goditur krimin e organizuar me të gjithë forcën e ligjit! Respekt për këtë shembull kaq domethënës. Mbështetje deri në fund!”- shkruan Rama.

Vlen të theksohet se, në kuadër dhe të dëshmisë që ka dhënë Nuredin Dumani dhe i penduari tjetër Henrik Hoxhaj, por dhe hetimeve proaktive, SPAK ka goditur 8 grupe kriminale që operonin në Tiranë, Durrës, Elbasan dhe Lezhë. Në pranga përfunduan: Henrik Hoxha, Ardian Uzuni, Altin Ndoci, Skerdi Tasi, Leonard Palushi, Fatos Gosa, Erion Alibej, Gentajan Sharra, Florenc Cekrezi, Elvis Koci, Ilirjan Feci, Petrit Qoli, Agron Qoli, Agron Qafa, Artan Plaka, Besjan Xhixha.

Politike Rama