Shkruar nga Pamfleti
E marta dita më e ftohtë e javës, çfarë pritet të ndodhë me motin pas 17 janarit
Thuajse 90% e territorit shqiptar është mbuluar nga reshje shiu dhe dëbore.
E marta pritet të jetë dita me e ftohtë e javës, me temperatura që do të zbresin deri në -14 gradë celcius.
Sipas meteorologëve, gjatë kësaj jave nuk do të ketë reshje bore në kryeqytet.
Një sistem vranësirash që ka përfshirë veriun dhe qendrën e vendit, gjatë pasdites do të zhvendosen në juglindje.
Meteorologia Adiola Bani tha për TCH: “Duke filluar nga mesnata do të kemi përmirësim të kushteve, duke bërë që e marta të jetë një ditë e ftohtë, por e kthjellët. Në zonat malore, minimuni do të shkojë në -14 gradë në lindje të vendit. Edhe në bregdet do të kemi temperatura -2 gradë. Kjo situatë është deri të premten. Të premten kemi rikthim të reshjeve në territor, por temperatura tipike të dimrit”.
Sa i përket reshjeve të borës, në vendin tonë është shënuar një rekord: “Për një javë është sasia më e madhe e borës e rënë në dy dekada, duke shënuar edhe mbi dy metra në zonat malore”.
Si pasojë e paqendrueshmërisë, sinoptikanët nuk mund të bëjnë një parashikim afatgjatë: “Pas 17 janarit do të kemi temperatura tipike dimërore, por reshje më të mëdha shiu dhe bore”.
