Fero dhe Arbenita i dhanë fund beqarisë pak ditë më parë, duke i thënë “PO” përgjithmonë njëri-tjetrit. Dyshja publikuan foto nga ceremonia, që në fakt i habiti fansat e çiftit që u bë aq shpejt. Mirëpo më pas u zbulua se ata do të bëhen prindër për herë të parë dhe kjo i shpjegoi të gjitha.
Një foto nga ceremonia e kurorëzimit të çiftit po qarkullon në rrjet, ku Arbenita shfaqej me fustanin e kuq ngjitur pas trupit, tek i cili i dallohet qartë barku i rrumbullakosur.
Edhe pse Arbenita e mohoi diçka të tillë kur u pyet nga ndjekësit, mësohet se dyshja e njohur do të bëhen shumë shpejt prindër të një vajze. Gjithashtu është bërë e ditur se këto kohë, Arbenita po qëndron në Kosovë, ku edhe ka zhvilluar kontrollet rutinore për shtatzëninë e saj. Bebushja pritet të vijë në jetë brenda pak javësh dhe sigurisht do të ndryshojë plotësisht jetën e dyshes së njohur.
Ndërkohë deri më sot çifti nuk kishin reaguar në lidhje me këtë lajm, por Arbenita ka vendosur të thyejë heshtjen. Përmes një postimi në rrjete sociale ajo ka konfirmuar pritjen e ëmbël, duke shkruar: “Jam shtatzënë”.
Modelja ka publikuar për herë të parë edhe foto me barkun e rrumbullakosur, teksa shihet e veshur me një bluzë të thjeshtë dhe xhinse.
