Shkruar nga Pamfleti
E patolerueshme! Kartoni i kuq i kushton jetën gjyqtarit, lojtarët ushtruan dhunë ndaj arbitrit me 20-vite përvojë
Federata Salvadorane e Futbollit (FESFUT) ka lëshuar një deklaratë zyrtare për të konfirmuar ndarjen nga jeta të gjyqtarit, Hoze Arnoldo Amaja.
Sipas FESFUT, Amaja humbi jetën fundjavën e kaluar, pasi u rrah brutalisht nga “pseudo tifozët dhe lojtarët”, gjatë një ndeshje amatore të luajtur në stadiumin Toluca në San Salvador.
“Ne si federatë dënojmë të gjitha aktet e dhunës që po krijohen në ambiente të ndryshme sportive në vend”, thuhet në deklaratë.
Karriera e gjatë e Hoze Arnoldo Amaja
Amaja, i cili ishte një gjyqtar me 20 vite përvojë, drejtonte një ndeshje në lagjen Miramonte të San Salvadorit.
Ngjarja ndodhi pas vendimit të tij për të përjashtuar një lojtar ,duke i treguar dy kartonë të verdhë, gjë që shkaktoi debat dhe më pas incidentin e tmerrshëm.
Amaja mori goditje që shkaktuan hemorragji të brendshme dhe humbi jetën pasi u dërgua në spitalin Zacamil.
