Deri në momentet që merrej me gjumin letargjik të Lulit (që fatkeqësisht e ka në çdo stinë, jo vetëm në dimër), Baba e këtij kombi (vetë naltmadhnia e tij, udhëheqësi suprem) Edi Rama ishte shumë në rregull.
Madje, shpesh herë mori edhe rolin e krijuesit të memeve, se, jo për gjë, por andej nga PD-ja frymëzohesh kollaj për të krijuar situata komike, kanë goxha material.
Por në një story të orëve të fundit, Baba (ai që kujdeset për mamanë), sikur e ka ‘humbur pak davanë’. Me shkronja ngjyrë rozë, ai shkruan: Nuk ka kohë për pushim, është koha për shërim.
Nga cila gangrenë do na shërojë ‘hirësia e tij’, kur ka 8 vjet në pushtet?! Mos ndoshta është ndërgjegjësuar që ka qenë si një lloj ‘sëmundje e butë’, pa të cilën nuk bëjmë dot se ‘na e do trupi’?
Apo iu deshën tetë vjet rrumbullak që të sëmurte një komb të tërë, vetëm e vetëm për ta shëruar?
Këto pyetje dhe të tjera si këto na mundojnë pas atij publikimi në Stories të kryeministrit ‘ahengxhi dhe qejfli memesh’, i cili është dhe do jetë (me sa duken ‘bathët’) në krye të këtij populli që është mësuar të zgjedhë të keqen më të vogël.
Sa për kampin blu….shshsh, të mos e zgjoni ‘të voglin e nënës’. /Pamfleti
