Sulmuesi shqiptar, Xhakomo Vrioni ka shpërthyer ditën e sotme duke shënuar një tregolësh dhe duke asistuar në fitoren e thellë 5-1 të Tirolit ndaj rivalëve të Volfsbergerit.
Shqiptari hapi siparin e golave në minutën e 26, ndërsa asistoi tek goli i dytë i shënuar nga Sabicer vetëm 12 minuta më vonë. Në pjesën e dytë, ishte sërish Vrioni që tundi rrjetën në minutën e 62, duke plotësuar tregolëshin 4 minuta nga fundi i lojës.
Në superformë 23-vjeçari që është lënë në harresë totale nga trajneri i Kombëtares Edi Reja. U mendua se Vrioni do të ishte një ndër të grumbulluarit e ri për sfidën ndaj Andorrës, për shkak të alternativave të pakta në radhët e kuqezinjve, por shqiptari nuk u thirr për asnjërën nga ndeshjet e këtij muaji.
Vrioni ka qenë vendimtar në 4 ndeshjet e fundit të Tirolit duke shënuar 6 herë dhe duke dhënë 1 asist.
