Aktualitet30 Qershor 2022, 15:23

Efekti margjinal i shitblerjes së votave në Elbasan e gjetkë

Shkruar nga Pamfleti
Efekti margjinal i shitblerjes së votave në Elbasan e gjetkë

Efekti margjinal i shitblerjes së votave në Elbasan e gjetkë

Vangjel Tavo i LSI-së ka sjellë tradicionalisht përkrahës të tij me autobuzë nga Greqia. Në qoftë se nuk do të ishte mbyllur kufiri prej pandemisë, Tavo mund ta kishte siguruar përsëri mandatin e tij të përjetshëm, duke ia hequr mandatin e 4-të PS-së…

Shkruan Eduard Zaloshnja

Qarku i Elbasanit ka spikatur në media këto ditë për dy raste të dyshuara shitblerje votash në zgjedhjet parlamentare të vjetshme. Në një rast, dyshohet se militantët e PD-së po blinin vota para 25 prillit të vjetshëm dhe në rastin tjetër dyshohet se 8 komisionerë i kanë shtuar vota PD-së gjatë numërimit (pas 25 prillit), përkundrejt ndonjë shpërblimi.

Duke presupozuar se shitblerja e votave ka ndodhur realisht në qarkun e Elbasanit (gjykatat ende s’kanë folur përfundimisht), vlen të analizohet se çfarë efekti konkret mund të ketë pasur ajo në mandatet për deputetë.

Pas numërimit të të gjitha votave, PS-ja ishte fare pranë marrjes (për një grusht votash) të mandatit të 9-të (objektivin e shpallur) në qarkun e Elbasanit (ka 14 mandate gjithsej). Pra, i gjithë mobilizimi (apo edhe blerja e votave në atë qark) nuk prodhoi dot një mandat më tepër për PS-në.

Në qarqe të tjera, spikasin ngjashëm Dibra dhe Tirana.

Qarku Dibër (ka 5 mandate gjithsej), është përfolur zakonisht për shitblerje votash, por vjet më 25 prill, sado shitblerje mund të ketë pasur, PS-ja nuk arriti ta marrë dot madatin e 3-të (objektivin e shpallur) vetëm për një grusht votash.

Në qarkun Tiranë (ka 36 mandate gjithsej), u përfol për suksesin e papritur të ndonjë kandidati të panjohur socialist, që mori rekord votash personale në kryeqytet. Por sidoqoftë, PS-ja nuk arriti ta marrë për pak mandatin e 19-të (objektivin i shpallur)…

Ndryshe shkuan punët në Durrës, Berat e Gjirokastër.

Në qarkun Durrës (ka 14 mandate gjithsej), PS-ja e siguroi për një grusht votash mandatin e 8-të (objektivin i shpallur). Në qoftë se atje ka pasur shitblerje votash, ajo duket se ka rezultuar efektive…

Ngashëm në qarkun Berat (ka 7 mandate gjithsej), PS-ja e siguroi për një grusht votash mandatin e 5-të (objektivin i shpallur). Në qoftë se atje ka pasur shitblerje votash, ajo duket se ka rezultuar efektive…

Ndërsa në qarkun Gjirokastër (5 mandate gjithsej), faktori kryesor për marrjen e mandatit të 4-të nga PS-ja ka qenë mbyllja e kufirit me fqinjët, për shkak të pandemisë. Vangjel Tavo i LSI-së ka sjellë tradicionalisht përkrahës të tij me autobuzë nga Greqia. Në qoftë se nuk do të ishte mbyllur kufiri prej pandemisë, Tavo mund ta kishte siguruar përsëri mandatin e tij të përjetshëm, duke ia hequr mandatin e 4-të PS-së…

Forum Elbasan shitblerja e votave Vangjel Tavo