Showbiz 8 Shkurt 2023, 22:12

Efi rrëfehet pas largimit nga “BBV”: Ka pasur momente që doja të dilja, shumë banorë po e ndrydhin qëllimisht veten

Shkruar nga Pamfleti
Efi rrëfehet pas largimit nga “BBV”: Ka pasur momente që

Sot e ftuar në emisionin “Pardon My French” ka qenë një nga ish-banoret e shtëpisë së “Big Brother VIP”, Efi Dhedhes. Në fillim ajo hyri si një konkurrente e vetme së bashku me Mikelën, por më pas rrjedha e ngjarjeve ndryshoi krejtësisht dhe ajo u kthye në një prej konkurrenteve më të dashura nga i gjithë publiku.

Gjatë qëndrimit në shtëpinë e “BBV2” çfarë e bezdiste dhe e nevrikoste më shumë Efin?

Kushdo personazh që të ishte, siç edhe u pa unë jam shumë njeri i drejtë ndoshta është e gabuar ndonjëherë por mua më doli që bëra shumë mirë që isha ashtu. Fakti që ti je i rrethuar 24 orë me kamera dhe ty të shikohet çdo lëvizje që ti bën dhe ti mendon se njerëzit nuk e shohin. Mua kjo gjë më acaronte. Dhe tjetra është që ti përpiqesh të tregohesh i sjellshëm dhe i mirë dhe nuk e lë veten të lirë të tregosh atë që je sepse shumica nga banorët në këtë pikë kanë dalë keq, jo duke qenë të këqinj, por thjesht fakti që e ndrydhin veten edhe përpiqen të nxjerrin diçka që nuk janë. Normal që do dalin keq. Ti e kupton që sado do mundohesh të shtiresh, sado ta mbash veten e zëmë një muaj me zor, ka nga ato fragmentet e vogla që ti e tregon automatikisht se kush je dhe të prishet komplet imazhi. Më mirë lëre veten të qetë dhe shijoje sepse për mua kjo ishte gjëja më kryesore”, tha ai.

Ndër të tjera Efi ka shtuar gjithashtu se: “Normalisht që ka pasur momente që kam dashur të dal, realisht kam dashur por jo për faktin që unë e kam ndjerë veten të dobët. Për faktin se unë e kam ndjerë veten superiore. Shikoja disa lloje debatesh që nuk doja të përfshihesha, zgjodha që të qëndroj në heshtje ose të mbyllem në dhomë dhe të rrija me dy persona që kisha dëshirë dhe po e ndjeja veten që nuk po luaja. Po thosha me vete që: “Kush është në të vërtetë loja dhe pse të gjithë po e përdorin këtë fjalë” dhe po më bezdiste pafundësisht shumë. Për mua loja është pikërisht kjo, menaxhimi i nervave, i situatave, përgjigjja e duhur. Jo të luash sepse duhet të bësh një rol, këtë gjë banorët e këtij viti e kanë kuptuar gabim. Kjo nuk më pëlqen fare”.

Reality Show Big Brother Efi