Skuadra e Prishtinës po kalon një moment të vështirë. Ekipit nga kryeqyteti i Kosovës i janë larguar 9 lojtarë brenda 3 orëve, për shkak të problemeve ekonomike në klub dhe largimet ishin të paevitueshme.
Sadam Sulej, Josip Tomasheviç, Aleksandër Ristevski, Agim Zeka, Betim Halimi, Gautier Mankenda, Samuel Mone, Eglant Haxho dhe Ahmet Halili janë 9 lojtarët e larguar nga klubi i Prishtinës.
Agim Zeka njihet në futbollin shqiptar, pasi ka dalë nga akademia e Skënderbeut, ndërsa portieri Betim Halimi, është pjesë e përfaqësueses së Kosovës.