Prej vitesh tashmë shkencëtarët që merren me klimën kanë bërë paralajmërime për ndikimin negativ që njerëzimi po ushtron ndaj planetit. Gjithsesi, paralajmërimet e shkencëtarëve pothuajse nuk merren asnjë herë për bazë pasi në mes mbeten interesat ekonomike të shteteve të fuqishme.
Së fundmi, sepecialistët kanë paralajmëruar se nëse nuk merren masat, ndoshta katastrofa për Tokën do të jetë e pashmangshme. Një raport i ri nga Paneli Ndërqeveritar i Kombeve të Bashkuara mbi Ndryshimet Klimatike (IPCC) sugjeron që jemi në kufij të katastrofës dhe koha e mbetur për të vepruar është më e shkurtër se ç’mendohej.
Raporti, i cili përfshin më shumë se 6,000 referenca shkencore, ka gjetur se disa nga skenarët më të rënda të ndryshimeve klimatike mund të ndjehen në një temperaturë edhe më të ulët të ngrohjes globale, që ndodhin dekada më herët se sa pritej. Një bashkë autore e raportit u shpreh:
Vitet e ardhshme janë ndoshta më të rëndësishmit në historinë tonë!”
Nëse emetimet globale vazhdojnë me normën aktuale, 91 autorët e raportit parashikojnë se planeti do të ngrohet me 1.5 gradë deri në 2040.
Kjo do të thotë që kemi rreth 10 deri në 14 vjet për të shmangur një skenar që menduam se kishim dekada për të parandaluar.
