Një vrasje me armë zjarri ka ndodhur ditën e sotme në Dajç të Shkodrës. Burime bëjnë me dije se u ekzekutua në mjetin e tij tip “BMW”, Ridvan Ramazani (Hyseni) 46-vjeç, i cili njihej edhe si i “forti” i Shkodrës.
Burimet bëjnë me dije paraprakisht se viktima ka pasur një konflikt me familjarët e Edmir Koçias, i ekzekutuar në 28 nëntor në vitin 2012, ndërsa njihej edhe si një nga personat e “fortë” të Shkodrës. Edmir Koçia, në atë kohë 38 vjeç u ekzekutua me breshëri automatiku në derën e shtëpisë së tij në lagjen “Tepe”. Autorët e krimit pasi e qëlluan për vdekje Koçian, qëlluan edhe 2 herë në ajër, për të dhënë mesazhin se gjakmarrja u arrit.
Edmir Koçia ka qenë person me precedent penal, i dyshuar për vrasjen e Shkëlqim Cafit dhe Astrit Meshnunit.
Ndërkohë mësohet se një automjet është gjetur i djegur dhe dyshohet se mund të jetë përdorur nga autorët ose autori për të kryer krimin e rëndë.
Policia njofton se në fshatin Mushan, Shkodër, në afërsi të një pike karburanti është gjetur, dyshohet i vrarë me armë zjarri në mjetin e tij tip “BMË” shtetasi R. H. 46 vjeç banues në fshatin Darragjat, Shkodër.
Grupi hetimor nën drejtimin e Prokurorisë po vijojnë punën për sqarimin e rrethanave të kësaj ngjarje, identifikimin dhe kapjen e autorit/ve.
Në ndihmë të Policisë lokale janë nisur forcat e FNSh Shkodër dhe forcat Speciale Renea.
Mir Koçia:
Njoftimi paraprak
Shkodër/Informacion Paraprak
Më datë 28.11.2020, rreth orës 11:20, në fshatin Mushan, Shkodër, në afërsi të një pike karburanti është gjetur, dyshohet i vrarë me armë zjarri në mjetin e tij tip “BMW” shtetasi R. H. 46 vjeç banues në fshatin Darragjat, Shkodër,
Shërbimet e Policisë kanë mbritur menjëherë në vendngjarje.
Grupi hetimor nën drejtimin e Prokurorisë po vijojnë punën për sqarimin e rrethanave të kësaj ngjarje, identifikimin dhe kapjen e autorit/ve.
Në ndihmë të Policisë lokale janë nisur forcat e FNSh Shkodër dhe forcat Speciale Renea.
