Një vrasje me armë zjarri ka ndodhur ditën e sotme në Shkodër. Burime bëjnë me dije se është vrarë me armë zjarri shtetasi Ridvan Hyseni, 46-vjeç.
Një ngjarje e rëndë ndodhi ditën e sotme në Dajç të Shkodrës, ku u ekzekutua me armë zjari 46 vjeçari Ridvan Ramazani (Hyseni), i cili njihej në Shkodër me nofkën ‘i forti’.
Ndërkohë efektivët e FNSH Shkodër dhe forcat speciale Renea janë nisur drejt vendngjarjes, ndërsa grupi hteimor nën drejtimin e Prokurorisë po vijojnë punën për sqarimin e rrethanave të kësaj ngjarje, për identifikimin dhe kapjen e autorëve.
“Më datë 28.11.2020, rreth orës 11:20, në fshatin Mushan, Shkodër, në afërsi të një pike karburanti është gjetur, dyshohet i vrarë me armë zjarri në mjetin e tij tip “BMW” shtetasi R. H. 46 vjeç banues në fshatin Darragjat, Shkodër,
Shërbimet e Policisë kanë mbërritur menjëherë në vendngjarje.
Grupi hetimor nën drejtimin e Prokurorisë po vijojnë punën për sqarimin e rrethanave të kësaj ngjarje, identifikimin dhe kapjen e autorit/ve.
Në ndihmë të Policisë lokale janë nisur forcat e FNSh Shkodër dhe forcat Speciale Renea”, thuhet në njoftimin e policisë.
