Mafia shtetërore e kullave/ Bazilika dhe bazamentet e mureve antike që u zbuluan, nuk u raportuan por u shkatërruan dhe u çuan si “mbetje inerte” në landfillin e Elbasanit, për të mos bllokuar ndërtimin e kullave mbi këtë zonë arkelogjike; madje për këtë ndërhyrje para 4 ditësh nuk kanë dijeni paraprake as Këshilli Bashkiak e as shefat e Drejtorisë Rajonale të Monumenteve të Kulturës, të cilët nuk ka dhënë leje ndërtimore e janë ndaluar (kërcënuar) të mos i mbikëqyrin punimet
Një tjetër masakër e rëndë urbanistike e anti-vlerash arkelogjike, po bëhet në qendër të qytetit Elbasan, në parkun e gjebërt prapa Bashkisë Elbasan, zonë e rëndësishme “Arkelogjike-Kategoria A”, përcaktuar e paprekshme nga ndërtimet, me VKM nr. 445, datë 09. 06. 2010 të Berishës dhe VKM Nr. 687, datë 23.10.2019 të vetë Ramës.
Pamjet e makinerive të firmës “DIEL shpk” të Tefik Kaziut, të cilat qysh prej mëngjesit të së dielës, kanë filluar rrafshimin e këtij parku të gjelbërt në sipërfaqe e shtresë arkologjike 150-200 cm nëntokë; konfirmojnë informacionin konfidencial për “Pamfleti”, të ardhur nga disa këshilltarë të kësaj bashkie.
Ata thonë, se as në Këshillin Bashkiak e as në KKRT e Republikës, nuk është miratuar asnjë projekt-vendim zhvillimi, për ndërhyrje ndërtimore apo riskustruksion në këtë zonë me 5000 m2 hartë “Zonë arkelogjike” të evidentuar e skeduar para 25 vitesh.
Mirëpo kryebashkiaku Gledian Llatja, që po vazhdon avazet e “Lal Qazimit”, në pazare me Taulant Ballën, ka lejuar rrethimin e zonës dhe shkatërrimin me makineritë ndërtimore të firmës “DIEL shpk” të Tefik Kaziut; e cila në fakt, është “maskë” nën/kontratore e një firme të akuzuar nga vetë Taulant Balla, për dhurim makine shefit të PD.
Po sipas informacionit, gjatë gërmimeve është zbuluar 1 Bazilikë Antike, 3 bazamente murale e shumë vegla dhe orendi jetese, por ky fakt nuk i ka ndalur skrepët dhe fadromat; përkundrazi është shpejtuar të shkulen, të përzihen me dhera e inerte dhe të çohen në landfillin e Elbasanit.
Pas zbulimit të Bazilikës, mureve e objekteve të tjera antike; në kantjerin e ndërtimit prapa Bashkisë-Elbasan, që sipas themeleve po ndërtohen pallate; ditën e martë e të mërkurë, janë shtuar makineri të tjera të rënda gërmuese ngarkuese, për të përshpejtuar punimet, ndërkohë punonjësit janë kërcënuar të heshtin.
Madje, sipas informacioneve, kryebashkiaku Gledian Llatja dhe shefi i tij partiak zonal, Taulant Balla, nuk ka lejuar as specialistët e Monumenteve të Kulturës-Dega Elbasan, për të qenë prezenet gjatë gërmimeve; megjithëse Rregullorja e VKM Nr. 687, datë 23.10.2019, që ka firmosur vetë Edi Rama përcakton këtë detyrim:
VENDIMI/ – “Për të gjitha ndërhyrjet në “Zonën Arkeologjike Kategoria-A” të qytetit të Elbasanit, jepet miratim praprak dhe realizohet monitorim arkeologjik me vrojtim me sy, nga çasti i fllimit dhe gjatë çdo faze e gjatë gjthë kohës së zbatimit të punimeve që mund të bëhen nga pushteti lokal apo qëndror, por jo më lart se 1 kat me sturkturë druri të çmontueshme e pa gërmime e pa bazament betoni”.
Mirëpo pushtet-biznesi ndërtimor i Taulant Ballës, miratuar në heshtje nga Babloku, është më i fuqishëm se ligjet; ndaj Bazilika dhe muret etj., që u zbuluan nga skrepët, u zhdukën dhe u çuan në landfillin e Kodian Zotos, si “mbetje inerte”.
Sa për saktësim, sipas hartës, Bazilika dhe banzmentet e mureve antike, të zbuluar, shkatërruar e hedhur në landfill, janë pjesë strukturore e Bazilikës së zbuluar tek “Rrapi Bezistanit” Elbasan; që ndodhet 100 metër larg zonës arkeologjike, ku thuhet se do ndërtohen “Kullat Balla-Sejdini”… me miliarda “të pastra”./Pamfleti
