Bashkë me gruan zv/kryetare bashkie në sundimin e Qazim Sejdinit, Nazif Bajrami është ndër 12 familjet mafioze të Elbanasit; me dosje për 70 milionë Euro me burim korrupsion, evazion fiskal, aktivitet kriminal e skemë pastrimi parash; ndërsa prej 3 vitesh, me një grup mafiozësh gjermanë e italianë, ka ngritur një krematorium në Xibrakë, ku djeg mbetje plastike importi të pa riciklueshme, të cilat duhen groposur në shtetet nga vijnë
Prej akrobacive me ryfshete e presione individësh të botës së krimit, firma “Bajrami N. shpk” në pronësi 100% të eksponentit penal Nazif Bajrami; është e privilegjuara e tenderëve që merr nga Bashkia Elbasan, nga 22 drejtoritë, entet e agjencitë rajonale dhe nga 6 bashkitë e qarkut.
Sipas evidencës, qysh prej vitit 2013 kur gruaja e tij Anduena Bajrami (Prifti) u emërua Zv/kryetare e Bashkisë-Elbasan; Nazifi i grupit “Xibraka” dhe i grupit “Sanxhaktari-Sejdini-Çela”, ka marrë 60% të numrit total e me vlerë 97%-100% të fondit limit.
Ndërsa qysh prej ardhjes së “rilindjes” në pushtet e deri sot, kjo firmë ka marrë 33 milionë Euro tendera në bashkitë Elbasan, Librazhd, Gramsh, Belsh, Peqin e institucionet të tjera, me rekord 95% tendera në Universitetin “Aleksandër Xhuvani”.
Vetëm gjatë viteve 2017-2020, në Prokurorinë e Elbasanit, firmat ndërtimit dhe pronar tokash, kanë depozituar 45 kallëzime penale kundër Nazif Bajramit të firmës “Bajrami N. Shpk”, Qazim Sejdinit dhe kryetarit aktual të bashkisë, Gledian Llatja, për falsifikime dokumentesh, fondesh limit, procedurash e favorizim në gara tenderuese.
Nga këto, 3 kallëzime janë pushuar në gjykatë, 27 janë pushuar nga prokuroria, ndërsa 15 kallëzime janë regjistruar, por nuk ka nisur procedimi penal, paçka se kishin prova shkecore.
Ndoshta, shefat e SPAK nuk e dinë se kanë në sirtar, 8 kallëzime penale bërë në periudhën janar-qershor 2021, kundër aferave të Nazif Bajramit me tenderët në Bashkitë Elbasan e Librazhd dhe në entet shëndetësore, arsim, ujesjellësa e rrugë të Qarkut Elbasan.
Por po i kujtojmë SPAK-ut, disa fakte të tjera për aktivitetet e këtij biznesmeni:
– Biznesmeni Nazif Bajrami dhe gruaja e tij Anduena Bajrami (Prifti), qysh prej muajit nëntor 2017, janë me dosje penale ende në proces hetimi nga Prokuroria e Përgjithshme, skeduar për 70 milionë Euro pasuri bankare e fizike, të siguruar nga biznese dhe aktivitete korruptive e kriminale, në bashkëveprim me bandën “Xibraka-Sanxhaktari-Çela”.
– Nëpërmjet firmës “Bajrami N. Shpk”, ka qenë pjesë e grupit “Xibraka” të kokainës, si duke u krijuar kushte mjedisesh e trafikimi me auto-mjetet e lëndëve të ndërtimit.
– Në Xibrakë, prej muajit janar 2019 ka ngritur pa leje mjedisore, një krematorium ilegal të quajtur “DEUTSCH PLASTIK”, ku sëbashku me një grup mafioz italo-gjermanë, djeg mbetje plastike importi të pa ricklueshme, të cilat duhen duhen groposur në vendet nga i sjellin.
Në këtë biznes, Nazif Bajrami përfiton 50%, por maskohet pas një femre nga Divjaka, me emrin A. H. të firmës “ICT HOLDING”, njohur në Itali kur prangosej për punë të pista në Itali.
– Më 16.02.2015, një muaj pasi në Xibrakë u zbulua laboratori i kokainës, Nazif Bajrami ia dorëzoi firmën shtetasit F. Musta, por e mori përsëri më 20 shkurt 2017, pasi u mbyllën hetimet e doli i “pastër” me ndërhyrje të Taulant Ballës dhe Qazim Sejdinit.
– Me Vendim nr. 401 date 23.12.2013 të Drejtorit të Përgjithshëm të Policisë së Shtetit, i është refuzuar licensa për “Polici Private”, mbasi Nazif Bajrami ekziston në dosjet e DEA-EUROPOL për trafik kokaine, klandestinësh e kontrabandë mallrash akcize.
Më 20 shtator 2013, për shkak të një hetimi financiar Itali-Shqipëri-Maqedoni, Nazif Bajrami i dhuroi shtetasit Astrit Muzhaqi, 100% të aksioneve të firmës “Bajrami N. shpk”; ndërsa pas afro 1 muaji, më 18.10.2013, ia mori përsëri me akt dhurimi./Pamfleti
