Elon Musk akuzohet për ngacmim seksual. Bussiness Insider raporton se akuza është bërë nga një ish-stjuardesë e Space X, kompanisë aero-hapësinore të themeluar nga miliarderi amerikan.
Sipas stjuardesës, Musk i ekspozoi penisin e tij në ereksion, i fërkoi këmbën pa pëlqim dhe i ofroi t’i blinte një kalë në këmbim të një masazhi erotik. Incidenti raportohet të ketë ndodhur në Gulfstream G650ER të Musk, gjatë një fluturimi në Londër në vitin 2016.
Dy vite më vonë, kompania e Musk i ka paguar stjuardesës 250 000 dollarë për të mbyllur këtë çështje.
Mikesha e saj deklaron se stjuardesa ishte licensuar më pas si masazhatore. “Ata e inkurajuan që të licencohej si masazhatore me paratë e saj. Ata lanë të kuptohet se ajo do të mund të fluturonte më shpesh nëse do ta bënte këtë sepse do t’i bënte masazhe Elon-it. Mendova se ishte disi e çuditshme sepse – nuk ishte punësuar për t’u bërë masazhatore por për të qenë stjuardesë. Por ajo ishte shumë e lumtur dhe e etur për të mbajtur punën si dhe për të qenë në gjendje që të udhëtonte”- tha ajo.
Musk ka reaguar duke thënë se nëse do të ishte përfshirë në ngacmime seksuale, do të ishte e vështirë që të dilnin në dritë pikërisht tashmë, nga 30-vite karrierë që ka mbi supe. Sipas tij, kjo është “një akuzë e motivuar politikisht”.
