Sport26 Tetor 2018, 16:38

Emri i ri për stolin e Milan-it, “dështaku” i Londrës në krye të stolit?

Shkruar nga Pamfleti
Emri i ri për stolin e Milan-it, “dështaku” i Londrës

Milan po kalon një periudhë të keqe sa i përket rezultateve, ndërsa e ardhmja e trajnerit Gatuzos është në rrezik. Dy sfidat në kampionat kundër Sampdorias dhe Xhenoas janë deçizive për të ardhmen e 40-vjeçarit.

Roberto Donadoni është kandidati kryesor për të zëvendësuar Gatuzon, nëse Milani i tij nuk reagon në dy ndeshjet e ardhshme, por një lajm i bujshëm vjen nga mediat italiane. Siç citon “Messaggero”, nëse vjen shkarkimi i Gatuzos, në stolin e “Djallit” mund të ulet Leonardo…

Ulja e tij për herë të dytë në stolin e kuqezinjve do të ishte një zgjidhje e momentit. Jashtë gare mund të llogaritet Antonio Konte, i cili është pranë kalimit te Reali i Madridit, ndërsa mes kandidatëve është dhe Arsen Venger. Ish-trajneri i Arsenalit pretendon një rrogë të lartë, që nuk mundësohet nga Milani, dhe mbërritja te Venger është shumë e komplikuar. Me këtë situatë, Maldini, Skaroni dhe Leonardo mund ta gjejnë mes tyre trajnerin e ri të ekipit, me shpresën që kjo gjë të mos ndodhë dhe Milani i Gatuzos të kthehet te rezultatet pozitive.

Sport Gattuso Milan