Presidenti turk Recep Tayyip Erdogan ka në plan të zhvillojë biseda telefonike me homologun e tij ukrainas dhe rus Volodymyr Zelensky-i dhe Vladimir Putin të mërkurën e 4 janarit.
Lajmi u bë i ditur nga transmetuesi turk “NTV”, duke cituar këshilltarin e Erdogan-it, Ibrahim Kalin.
Ai nuk dha detaje të tjera se për çfarë planifikon të flasë presidenti turk. Më herët, agjencitë ruse raportuan për bisedën e planifikuar telefonike mes presidentëve të Turqisë dhe Rusisë.
Erdogan foli për herë të fundit me Zelensky-in më 11 dhjetor.
Asokohe bëhej fjalë për ndihmën humanitare të Turqisë, “marrëveshjen e grurit”, situatën në termocentralin bërthamor të Zaporizhzhia-s dhe “formulën e paqes”.
Që nga fillimi i pushtimit të plotë të Federatës Ruse, Turqia refuzoi të vendoste sanksione kundër Rusisë, duke diktuar rolin e saj si ndërmjetësuese midis palëve ndërluftuese.
Ministri i Jashtëm turk Mevlüt Çavuşoğlu, deklaroi në fillim të dhjetorit se Ankaraja pret të shohë një “pamje më të qartë” të një armëpushimi në luftë ose një kthim në tryezën e bisedimeve deri në pranverën e vitit 2023.