Sipas auditit, 14 milionë Euro të kësaj takse janë zhdukur, ndërsa 17 milionë Euro janë përdorur nga Lali Eri për paga “konkubinash” të shefave të “rilindjes”, çunave të grupit “G-99” e tellallë mediash, të cilët i paguan si këshilltarë; fakt që e di dhe SPAK, por hesht paçka se shumica e tyre kanë fëmijë në shkolla, të cilëve kryeministri ua mbylli shkollat, mbasi nuk kanë ngrohje sepse është zhdukur taksa nga Lali Eri, por dhe 67 milionë Euro me tendera nga shefat e Ministrisë së Arsimit në vitet 2015-2020
Këtë javë, Ministria e Arsimit e nisi me ndërprerjen e mësimit për shkak të motit të ftohtë, ngaqë në shkolla mungon sistemi ngrohës, për të cilin janë harxhuar miliona Euro, duke bërë përurime nga kryeministri, ministra e deputetë.
Në Tiranë psh., përveç 29 milionë Euro tendera nga taksat publike, të harxhura në vitet 2015-2020 vetëm për sistem ngrohje në shkollat e arsimit 9 vjeçar, qytetarëve u është zhvatur dhe “Taksa e Arsimit”, për plotësim kushtesh mësimi normal.
Taksa e vendosur me dhunë nga kryebashkiaku Erjon Veliaj, përfshirë në faturën e ujit, është 1800 lekë të reja në vit për familjarët, 4000 lekë të reja për biznesin e vogël dhe 37 mijë lekë për biznesin e madh; ndërsa në total, është mesatarisht 6 milionë Euro të ardhura në vit.
Qysh prej muajit shkurt 2016, kur nisi pagesa e deri më 30 qershor 2021, rezulton se me këtë taksë banditeske, Erjon Veliaj u ka marrë qytetarëve 31 milionë Euro, ose baraz me fondin e 1 viti buxhet që qeveria i jep Bashkisë Tiranë.
Mirëpo këtë të hënë, shkollat dhe kopshtet e Tiranës u kyçën, sepse nuk kanë ngrohje, ndërkohë që kur e vendosi këtë taksë, ai deklaroi, se duhej si kontribut që fëmijët në kopshte e shkolla të kishin ngrohje e të mos bënin mësim veshur me xhupa e mbështjellë me batanije.
Taksa e Arsimit është zhvatur, por nuk është investuar për të siguruar ngrohjen në shkolla, mbasi sipas Auditit të Ministrisë së Financave, 17 milionë Euro nga të ardhurat e kësaj takse, janë përdorur për paga punonjësish shtesë në administratën e Bashkisë dhe për propagandë e argëtim.
Ndërsa për 14 milionë Euro, nuk ka pasqyra shpenzimesh nga Bashkia, ndërkohë që Ujësjellësi-Tiranë ia ka transferuar rregullisht taksën, sipas numrit të faturave të paguara nga qytetarët e bizneset, madje me tatim 20% TVSH, që është vjedhje mbi vjedhje pasi taskat nuk taksohen.
Kryeministri Rama e di, por hesht për skandalin e abuzimit me Taksën e Arsimit, që Erjon Veliaj vazhdon ta zhvasë, ta zhdukë e përdorë për paga “konkubinash” të shefave të “rilindjes”, çunash të grupit “G-99” e tellallë mediash, të cilët i paguan nga 1-2 milionë lekë si këshilltarë e ekspertë.
E di dhe SPAK këtë krim financiar të “beut” të Bashkisë Tiranë, por hesht paçka se shumica e tyre kanë fëmijë në shkolla, të cilëve kryeministri Rama ua mbylli, pasi nuk kanë ngrohje, sepse është zhdukur taksa 31 milionë Euro nga Lali Eri.
Por dhe nga shefat e Ministrisë së Arsimit, të cilët në vitet 2015-2020 kanë harxhuar 67 milionë Euro me tendera, për sistem të plotë ngrohje dhe në shkollat e Dibrës, Kukësit, Matit, Korçës, Lezhës, Shkodrës, Gjirokastrës, Vlorës etj., por… ngrohje nuk ka./Pamfleti
