Liga e Europës, ashtu si ajo e Kampionëve, ka mësuar fazën e saj përfundimtare të “playoff”-it, nga të cilat do të dalin emrat e fundit të kualifikuar për fazën e grupeve të këtij kompeticioni.
Kampionët e Maqedonisë së Veriut, Shkupi, nëse arrin të kualifikohet përballë Shamrok Rovërsit, do të ndeshet me skuadrën humbëse të çiftit, Karabag-Ferenncvarosh.
Nga ana tjetër, skuadra ku aktivizohet mesfushori shqiptar Regi Lushkja, Sherifi i Tiraspolit, nëse eliminohet nga Liga e Kampionëve do të ketë përballë humbësin e sfidës Crvena Zvezda-Pjunik.
Një përballje e vështirë për skuadrën e shqiptarëve të Zyrihut, ku do të përballet me ekipin skocez të Hërt, nëse arrin të kalojë Linfildin e Belfastit.
Kujtojmë se kualifikueset e turit të tretë të Europa League luhen më 4 gusht ndeshjet e para, 9 apo 11 sfidat e kthimit. Në anën tjetër “play-off” i zhvillon ndeshjet më 18 dhe 25 gusht. Shorti për grupet e Europa League hidhet më 26 gusht.
Sfidat:
Dnipro-1 – AEK Larnaca / Partizan Beograd
Gent – Omonoia
Austria Vien – Fenerbahçe / Slovaçko
Linfild / Zyrih – Hërt
Maribor / Helsinki – Silkeborg
Malmo / Dudelanzh – Sivaspor
Karabag / Ferençvarosh – Shamrok Rovërs / Shkupi
Makabi Haifa / Apollon Limasol – Olimpiakos / Sllovan Bratislava
Crvena Zvezda / Pjunik – Sherif Tiraspol / Viktoria Plzen
Ludogorets / Dinamo Zagreb – Bodo-Glimt / Zalgiris Vilnius