Sport 9 Tetor 2022, 16:20

“Evituam Anglinë dhe Italinë”, Reja flet pas hedhjes së shortit: Çekia do të jetë kundërshtari ynë, ç’do të ndodhë pas mbarimit të kontratës

Shkruar nga Pamfleti
“Evituam Anglinë dhe Italinë”, Reja flet pas hedhjes

“Evituam Anglinë dhe Italinë”, Reja flet pas hedhjes së shortit: Çekia do të jetë kundërshtari ynë, ç’do të ndodhë pas mbarimit të kontratës

Shqipëria mësoi kundërshtarët e saj në fushatën kualifikuese të “EURO 2024”, teksa në grupin E janë shortuar me përfaqësuese si Polonia, Republika Çeke, Ishujt Faroe dhe Moldavia. 

Në një lidhje të drejtpërdrejtë nga Frankfurti, trajneri i Kombëtares shqiptare, Edi Reja ka folur për “SuperSport” duke treguar dhe pritshmëritë e para për këtë short, gjithashtu edhe për kontratën që i përfundon me kuqezinjtë në muajin nëntor: 

“Polonia dhe Çekia janë skuadra që i njohim dhe janë të vështira. Është një grup që do ta luajmë me të gjitha, mjafton të jemi mirë dhe mos të kemi dëmtime. 

Polonia është shumë e veshtirë, por Çekia mendoj që do të jetë kundërshtari ynë. 

Jemi të kënaqur disi sepse kemi evituar Anglinë dhe Italinë. 

Nëse nuk do të kryejmë ato gabime që kemi bërë në këto ndeshjet e fundit do të kemi mundësi të mëdha. 

Kur të mbarojë kontrata do të ulem me presidentin Duka. Ne nuk kemi probleme, do të shohim pasi të mbarojë kontrata.”, përfundoi Edi Reja. 

Sport Edi Reja shorti i "EURO 2024" trajneri i Shqipërisë