Ish-nënkryetari i Komunës së Mitrovicës, Faruk Mujka, është zgjedhur kryeshef ekzekutiv i Ndërmarrjes Publike “Ibër-Lepenc”.
Këtë e bëri të ditur vetë Mujka, përmes një postimi në Facebook, ku tha se kjo ndërmarrje është e rëndësishme për zhvillimin ekonomik dhe vend ideal për të kontribuuar.
Mujka ishte nënkryetar i Mitrovicës në periudhën kur drejtimin e kësaj komune e kishte Agim Bahtiri nga Lëvizja Vetëvendosje.
Aktualisht, ai është asamblist në Kuvendin Komunal të Mitrovicës dhe anëtar i Vetëvendosjes.
Gjatë tetorit të vitit të kaluar, Mujka kishte dhënë dorëheqjen nga posti i kryetarit të degës së VV-së në Mitrovicë.
Mandati i postit të kryeshefit ekzekutiv në këtë ndërmarrje është trevjeçar, me mundësi vazhdimi.