Gresa Krasniqi, vajza e ish-kryeparlamentarit të Kosovës, Jakup Krasniqi, i cili po mbahet në Hagë, ka shkuar në këtë vend të Holandës për ceremoninë e fejesës së saj.
Në këtë ditë të veçantë për të Gresa ka zgjedhur të jetë më afër babait të saj.
Ajo përmes disa postimeve në rrjetet sociale ku njoftoi për fejesën, tha se këtë ia kishte premtuar babait të saj.
“E sollëm ceremoninë e fejesës tek ti Babi, se të kisha premtu që në jetët tona mbase padrejtësitë mund të jenë të mëdha, por festat bashkë do i bëjmë! “Në të mirë e në të keq, gjithmonë bashkë”, është betimi që në heshtje i bëmë njëri-tjetrit. Ti këtë betim më dhe ditën që linda, e unë këtë betim të dhashë diten që fillova te flas. Në të mirë dhe në të keq, fillimisht me ty e pastaj me më të dashurit e mi!”.
Jakup Krasniqi është njëri nga ish-krerët e Uahrrisë Çlirimtare të Kosovës që po mbahet në paraburgim nga Gjykata Speciale, nën dyshimin se ka kryer krime lufte gjatë vitit 1999.
Përveç tij, Specialja ka arrestuar edhe ish-presidentin e Kosovës, Hashim Thaçi, ish-kryeparlamentarin Kadri Veseli e ish-deputetin Rexhep Selimi.
Arrestimi i tyre ka ndodhur në shtator të vitit 2020 nga misioni i EULEX-it në Kosovë.
