Ish-kryeministri Sali Berisha është përplasur sot me një juriste, e cila i kujtoi pasurinë dhe se ka përgjegjësi për situatën ku ndodhet vendi. Duke folur në një aktivitet për organizimin e protestës së 7 korrikut, Berisha u mundu atë justifikojë pasurinë, ndërkohë që pati disa herë debate me juristen.
“Unë kam një apartament 30 metër katëror më shumë seç e kam pasur në diktaturë. Cilido që gjen një qindarkë më shumë atëherë është e paligjshme. Kam pasur fatinë madh që këtyre 9 viteve Edi Rama të kontrollojë 100 herë fëmijët e mi. Por koha e solli që ta kontrollonin nga superfuqia më e madhe e kohës, por as ata dha superfuqia më e madhe e kohës nuk do gjejnë një qindarkë që është vendosur në kundërshti me ligjin”, tha ai. Por mjafton të shohim deklaratën e bërë një vit më parë dhe fëmijët e Berishës kanë pasuri qindra mijëra euro.
Më herët juristja ja bëri të qartë se ai është bashkëfajtor për situatën ku ndodhet vendi.
“Ndjesë i nderuar Berisha por jam e bindur që jeni bashkëpërgjegjës për gjendjen ku ndodhet tashmë Shqipëria.
Sepse jam e sigurt që duke nisur nga pozita financiare e juaja, familjes suaj, kolegëve, meqë siç tha Kreshnik Spahiu Shqipëria është më e rëndësishmja, të paktën të ngriheshin struktura për të strehuar njerëzit që po hanë ushqim nga kazanët e plehrave, për ata që janë me të meta fizike, ata që po shesin veten dhe…”, tha ajo.
