“Berberi komplotist”, është komedia që po mban kreun e filmave të shkurtër “La Cinef” në Festivalin e Kanë.
Bëhet fjalë për një film italian, por pjesë e kastit është edhe një aktor shqiptar. Ilir Jaçellari, që interpreton rolin e një kosovari.
Ilir Jaçellari ka lindur në Lushnje më 07.07.1970. Babai i tij, Halil Jaçellari, ishte shkrimtar dhe publicist i njohur. Studimet e para ishin për pikturë dhe aktrim, me personalitete të njohura si Faslli Haliti dhe Gjergj Lala.
Sa i takon filmit, ngjarja zhvillohet në një lagje të varfër në Romë, ku në qendër të historisë është berberi, i cili i dhënë pas teorive të komplotit, vihet në lojë nga familja dhe shoqëria, derisa situata bëhet serioze e ndërhyn policia.
Ky është edicioni i 75-të i Festivalit të Kanës, që ka nisur prej 17 majit.
