Zbardhen pamjet e masakrës së ndodhur ditën e djeshme në Nju Jork, ku një 18-vjeçar i veshur me veshje ushtarake ka hapur zjarr ndaj kalimtarëve të rastit.
Krimi i dhunshëm me motive racore u ka marrë jetën 10 personave, ndërsa 3 të tjerë kanë mbetur të plagosur.
Dyshohet se, autori Payton Gendron ka ecur për disa orë me makinë për të arritur në zonën ku jetojnë kryesisht komuniteti me ngjyrë. Me të zbritur aty, ai ka filluar të qëlloj radhë me armë, ndërsa mbante veshur jelek antiplumb dhe një helmetë. Gendron përdori një pushkë me fuqi të lartë si mjet krimi dhe një kamerë për të transmetuar sulmin live në internet.
Pas një përplasje të dhunshme dhe thirrjeve të policisë, ai ka dorëzuar armën dhe është dërguar në burg. Sipas autoriteteve, ai bërtiste sharje racore gjatë të shtënave.
Vlen të theksohet se, presidenti amerikan Joe Biden ka dënuar sulmin, duke e quajtur atë “të neveritshëm”.
Film horror
Zyrtari i policisë që ndodhej në vendngjarje shtoi se “ajo që ndodhi në supermarket ishte masakër ose thënë më mirë një film horror”.
Ndërsa njëri nga të vdekurit ishte një oficer policie i sapo dalë në pension në Buffalo dhe punonte në sigurinë në dyqan. Oficeri tentoi të eleminonte agresorin, por pa rezultat.
Sipas informacioneve të policisë, në parking janë gjetur edhe pesë trupa. Menaxheri i operacioneve të dyqanit, Shawnell Harris shpjegoi se u dëgjuan 70 të shtëna.
