Finalja mes Liverpool dhe Real Madrid u shty për më shumë se 30 minuta dhe për këtë ka reaguar edhe UEFA.
Në një reagim në faqen e saj zyrtare, UEFA shkruan se në fillim të lojës u bllokuan mijëra tifozë të Liverpool pasi kishin blerë bileta false të cilat nuk funksiononin dhe për pasojë nuk po bëhej futja në kohë në stadium.
Kjo krijoi një grumbull tifozësh që përpiqeshin të hynin. Si rezultat, fillimi u vonua me 35 minuta për të lejuar sa më shumë tifozë me bileta origjinale të kenë akses.
Ndërsa numrat jashtë stadiumit vazhduan të rriteshin pas fillimit të ndeshjes, policia i shpërndau ata me gaz lotsjellës dhe i detyroi të largoheshin nga stadiumi.
UEFA thotë do t’i shqyrtojë më tej këto çështje urgjentisht së bashku me policinë dhe autoritetet franceze dhe me Federatën Franceze të Futbollit.
