Shefi i forcave të armatosura të Finlandës, gjenerali Timo Kivinen paralajmëroi se vendi i tij është i përgatitur për një sulm rus dhe do të bëjë rezistencë të ashpër në rast se do të ndodhë.
Përmes një prononcimi për mediet, Kivinen tha se: “Finlandezët janë të motivuar për të luftuar dhe vendi ka ndërtuar një arsenal të konsiderueshëm.”
Finlanda ka ruajtur një nivel të lartë gatishmërie ushtarake që nga Lufta e Dytë Botërore, pasi ka zhvilluar dy luftëra në vitet 1940 kundër fqinjit të saj lindor, me të cilin ndan një kufi prej 1.300 km.
“Ne kemi zhvilluar sistematikisht mbrojtjen tonë ushtarake pikërisht për këtë lloj lufte që po zhvillohet në Ukrainë, me një përdorim masiv të fuqisë së zjarrit, forcave të blinduara dhe gjithashtu forcave ajrore.
Ukraina ka qenë një kafshatë e vështirë për t’u përtypur për Rusinë dhe po ashtu do të jetë edhe Finlanda”- tha ai, raporton The Guardian.
