Shkruar nga Pamfleti
Fiorentina feston ndaj Juves, Bajrami lë Gjimshitin jashtë Europës, Strakosha dhe Lacio e mbyllin sezonin me paqe
Përfundojnë 3 ndeshjet e javës së fundit të Serisë A.
Lacio barazoi 3-3 me Veronën. Tomas Strakosha pësoi 2 gola brenda 14 minutave nga Simeone dhe Lasanja, sakaq ekipi lacial u kundërpërgjigj brenda pjesës së parë me Kabral dhe Anderson. Në pjesën e dytë, të dyja skuadrat “tundën rrjetën” nga një herë me Pedri dhe Hongla. Lacio shkon në Europa League, pasi mban vendin e pestë.
Atalanta e Berat Gjimshitit mbetet pa Europë. Bergamasakët u mundën 0-1 në shtëpi nga Empoli. Skuadra e shqiptarëve luajti me Asllanin si titullar, ndërsa në pjesën e dytë u aktivizua Bajrami, i cili i nxorri jo pak punë kundërshtarit patriot në difensivë. Goli vendimtar erdhi nga Stulac në fund. Atalanta përfundimisht mbetet e teta.
Juventusi, me Championsin e siguruar, nuk u përpoq të bënte asgjë ndaj Fiorentinës. Në Firence, djemtë e Italianos morën vendin e shtatë, “tren” i fundit i Europës. Vendasit fituan 2-0 (Dankan dhe Gonzalez, në limitet e pjesëve.
Rezultatet:
Fiorentina 2-0 Juve
Atalanta 0-1 Empoli
Lacio 3-3 Verona
