Aktualitet15 Maj 2019, 19:58

Fitorja e Becchetit trondit Ramën, eksperti: Kryeministri të japë dorëheqjen, t’i sekuestrohet shtëpia dhe pasuritë

Shkruar nga Pamfleti
Fitorja e Becchetit trondit Ramën, eksperti: Kryeministri të japë

Fitorja e Becchetit trondit Ramën, eksperti: Kryeministri të japë dorëheqjen, t'i sekuestrohet shtëpia dhe pasuritë e tjera"!

Eksperti i ekonomisë, Pano Soko, ka ka deklaruar se kryeministri Edi Rama duhet të japë dorëheqjen, nëse Gjykata e Strasburgut e ka dënuar vërtet me 110 milionë euro për përplasjen me biznesmenin italian, Francesco Becchetti.

Përmes një mesazhi në rrjetet sociale, eksperti shkruan se Ramës duhet t’i sekuestrohet pasuria, përfshirë shtëpinë, që të bëjë të mundur shlyerjen e gjobës 110 milionë euro.

Mesazhi i ekspertit:

Po lexoj lajmin për çështjen e njërit prej gjyqeve në Gjykatën e Arbitrazhit që kompania e Becchetitt ka hapur ndaj shtetit shqiptar. E kërkova te faqja e ICSID, por vendimi nuk ishte zbardhur ende. Fillimisht duhet pritur zbardhja e vendimit nga ana e Gjykatës së Arbitrazhit.

Nëse vërtet Gjykata e Arbitrazhit ka penalizuar Shqipërinë për çështjen e mbylljes së Agon Channel, siç po pretendojnë burime gazetash të ndryshme, atëherë ky është kusht juridik që Kryeministri jo vetëm duhet të japë dorëheqjen, jo vetëm që duhet hapur proçedim penal për shpërdorim detyre me kosto për buxhetin e shtetit, por duhet t’i sekuestrohet gjithë pasuria deri në likujdimin e plotë të shumës.

Pra, nëse gjoba që ka marrë shteti shqiptar është 110 milionë € (sa pretendohet nga disa media) atëherë fajtorit të gjetur në vendimin e gjykatës (pra Kryeministrit) duhet t’i sekuestrohet shtëpia, pasuritë e tjera të vetat dhe të familjes dhe çdo gjë deri në masën sa të shlyejë gjithë detyrimin që i lind shtetit prej veprimit të paligjshëm të tij, të gjetur si të tillë nga një Gjykata.

Dhe ky do të ishte një rast e zeza mbi të bardhë për cilindo prokuror apo gjykatës. Një gjykatë ndërkombëtare ka gjetur si të paligjshëm veprimet e qeverisë dhe Kryeministrit, kështu që asnjë prokuror dhe asnjë gjykatës as ka për t’u lodhur fare me çështjen, veç të hapi gjyqin, të shpallë dënimin dhe ta çojë në burg.

Aktualitet Edi Rama Francesco Becchetti